𝗙𝗶𝗻𝗶𝘀𝗵𝗶𝗻𝗴 𝗪𝗲𝗹𝗹 (𝗜𝗻 𝗠𝗶𝗻𝗶𝘀𝘁𝗿𝘆)

 

𝗙𝗶𝗻𝗶𝘀𝗵𝗶𝗻𝗴 𝗪𝗲𝗹𝗹 (𝗜𝗻 𝗠𝗶𝗻𝗶𝘀𝘁𝗿𝘆)

ခရစ်ယာန်အသက်တာ ခရစ်ယာန်သာသနာဆိုတာ အသက်ရှင်သရွေ့ အဆုံးမဲ့ လျှောက်လှမ်းရမည့် လမ်းခရီးတစ်ခုဖြစ်သည်။

ခရစ်ယာန်သာသနာတွင် ခရစ်တော်​၏ တပည့်တော်နှင့် တမန်တော်များ ကဲ့သို့ အစပြုကောင်းခဲ့ပြီး အခက်အခဲ၊ ညှင်းပန်းနှိပ်စက်ခြင်း၊ အသေသတ်ခြင်း ခံရသည့်တိုင် အဆုံးတိုင်အောင် သစ္စာရှိစွာ ပန်းဝင်သူများရှိသကဲ့သို့

အစပြုကောင်းခဲ့ပြီး အဆုံးတိုင်အောင်မတည်ကြည် နိုင်သည့် ယုံကြည်သူ နှင့် အမှုတော်ဆောင်များစွာရှိသည်ကို သမ္မာကျမ်းစာ၌၎င်း ကျွနှုပ်တို့ ပတ်ဝန်းကျင်၌၎င်းတွေ့ရှိရမည်ဖြစ်သည်။

ဥပမာအားဖြင့် ရှောလမုန်မင်းကြီး​၏ ဘဝအစသည် ဘုရားသခင်ကိုကိုးစားခြင်း၊ ကြောက်ရွံ့ခြင်းဖြင့်အစပြုခဲ့သည်။ (၃ ဓမ္မ ၃:၃)

သို့သော်လည်း ဝမ်းနည်းစွာပင် အဆုံး၌ ထာဝရဘုရား ကိုပင် စွန့်ခွါသွားကာ အခြားဘုရားများအားကိုးကွယ်ပြီး ယုတ်ညံ့စွာဘဝအဆုံးသတ်သွားခဲ့သည်။ (၃ဓမ္မ ၁၁:၄-၆)

ယုံကြည်သူဓမ္မအမှုတော်ဆောင်များ အနေဖြင့် ဘုရားသခင့်ထံမှလာသော ကြီးမားသော ရူပါရုံ ( Mega Church များ တည်ထောင်ခြင်း၊ အသင်းတော် ရာပေါင်းများစွာ ထူထောင်ခြင်း၊ တပည့်တော်များစွာမွေးထုတ်ခြင်း) နှင့်စသည့်ရူပါရုံများရှိရန် လိုအပ်သလို ထို့ထက်အရေးကြီး သည်မှာ ဘဝတွင်ကြုံတွေ့ရသော စုံစမ်းစစ်ကြောခြင်း၊ စုံစမ်းနှောက်ရှက်ခြင်းများကို ကျော်လွှားကာ

တခါတရံ လဲကျစေကာမူ ပြန်လည်ရုန်းထပြီး ဘုရားပေးထားသော တာဝန်ကို အဆုံးတိုင်အောင် ကျေပွန်စွာဆောင်ရွက်ပြီးပန်းဝင်ရန် အရေးကြီးဆုံးဖြစ်သည်။

စစ်တမ်းအရ ဓမ္မအမှုတော်ဆောင် ၁၀၀ တွင် ၇၀% သည် ယုတ်ညံ့စွာ အဆုံးသတ်ခဲ့ကြပြီး ၃၀% သာ တမန်တော်များကဲ့သို့ အမှုတော်မြတ်တွင် အဆုံးတိုင်အောင်သစ္စာရှိခဲ့ကြသည်။

သင်နှင့်ကျွန်ုပ်ထို ၃၀% တွင်ပါဝင်ရန် အင်မတန်မှအရေးကြီးပါသည်။

ဓမ္မအမှုတော်ဆောင်ကြီးများ ခေါင်းဆောင်ကြီးများ သာသနာတွင် ကောင်းမွန်စွာ အဆုံးမသတ် နိုင်ခြင်း​၏ အခြေခံအကြောင်းတရား နှစ်ရပ်မှာ လောကီအရာများကိုစွဲလန်းခြင်း နှင့် ဝိညာဉ်ရေးရာတိုးတက်မှုရပ်တန့်သွားခြင်းကြောင့်ဖြစ်သည်။

ထိုသို့ရပ်တန့်ခြင်း မှဖြစ်ပေါ်လာသော ကျရှုံးခြင်းသည် ရုတ်တရက်ဖြစ်ပေါ်လာခြင်းမဟုတ်ပဲ ခြေတလှမ်းခြင်း ဘုရားသခင်နှင့်ဝေးကွာခြင်းမှ အစပြုခဲ့သည်။

ဓမ္မအမှုတော်ဆောင်ကြီးများ ခေါင်းဆောင်ကြီးများ အား သာသနာတွင် ယုတ်ညံ့စွာကျဆုံးရသည့် အချက် ကြီး ၄ ချက်မှာ

၁။ ငွေကြေး တပ်မက်ခြင်း

၂။ ကာမဂုဏ်တပ်မက်ခြင်း

၃။ ရာထူးအာဏာ မက်မောခြင်း နှင့်

၄။ မာန်မာန ထောင်လွှားခြင်းတို့ ကြောင့်ဖြစ်သည်။

ထိုအကြောင်းတရားကိုဖြစ်ပေါ်စေသော ကင်ဆာကဲ့သို့ အတွင်းသဘော၌ လှိုက်စားပျက်စီးစေသောအရာများမှာ

၁။ Mental Stagnation ( သင်ယူလေ့လာမှု ရပ်တန့်သွားခြင်း။ သင်ယူလိုစိတ်ကုန်ဆုံးသွားခြင်း သို့ ငြီးငွေ့သွားခြင်း။

“ဖြစ်​ဖူး​သော​အ​ရာ​သည် ဖြစ်​လ​တ္တံ့​သော​အ​ရာ​နှင့် တူ၏။ ယ​ခု​ပြု​သော​အ​မှု​သည် ပြု​လ​တ္တံ့​သော​အ​မှု​နှ​င့်​တူ၏။ နေ​အောက်​မှာ အ​သစ်​သော​အ​မှု​အ​ရာ​မ​ရှိ။” ဒေသနာကျမ်း။ 1:9 JBMLE

ထိုသို့မဖြစ်စေရန် ဘုရားသခင်​၏ နှုတ်ကပါတ်တော်ကို နေ့တိုင်း ဖတ်ရှု၊ ဆင်ခြင်၊ နှလုံးသွင်း လိုက်လျှောက် ရန်လိုအပ်သည်။ ယောရှု ၁:၇-၉

၂။ အကျင့်စာရိတ္တနှင့် သာသနာအပေါ် ထားရှိသည့် ခံယူချက် လျော့ရဲလာခြင်း။

“ရှော​လ​မုန်​သည် အ​သက်​ကြီး​သော​အ​ခါ၊ မိန်း​မ​များ​တို့​သည် စိတ်​နှ​လုံး​တော်​ကို အ​ခြား​တစ်​ပါး​သော ဘု​ရား​နောက်​သို့​လွဲ​စေ​သ​ဖြင့်၊ စိတ်​နှ​လုံး​တော်​သည် ခ​မည်း​တော်​ဒါ​ဝိဒ်၏​စိတ်​နှ​လုံး​ကဲ့​သို့ မိ​မိ​ဘု​ရား​သ​ခင် ထာ​ဝ​ရ​ဘု​ရား​ရှေ့​တော်၌ စုံ​လင်​ခြင်း​မ​ရှိ။” ဓမ္မရာဇဝင်တတိယစောင်။ 11:4 JBMLE

ခံယူချက်နှင့်စာရိတ္တ လျော့ရဲလာသောအခါ အမှုတော်၌တာဝန်အရသာလုပ်ဆောင်တော့သည်။ တရားဟောခြင်း၊ ကျမ်းစာသင်တန်းပေးခြင်းများတွင် အသစ်သော ဘုရားအသံတော် ကြား၍ စီးဆင်းသော ဖွင့်ပြသင်ကြားချက်များ မရှိတော့ပေ။ တချိန်က တရားဟောချက်များ နှင်​့ မိမိအားသန်ရာကိုသာ လှည့်ပါတ်ဟောပြောသင်ကြားပေးတော့သည်။

ထိုသို့သောခေါင်းဆောင်များအတွက် အကျင့်စာရိတ္တ နှင့် ခံယူချက် ပြန်လည် ခိုင်ခံ့လာရန် ဒါဝိဒ်အား ပရောဖက်နာသန်မှ ထင်ရှားစွာ ပြုပြင်ပေးသည့် အတိုင်းပြုပြင်ပေးမည့် ဆရာသမားသို့ သူငယ်ချင်းကောင်းများမရှိမဖြစ်လိုအပ်သည်။

၃။ Influence and Legacy Neglect ( ခေါင်းဆောင်တစ်ယောက်​၏ လွှမ်းမိုးမှုနှင့် အမွေအနှစ်များကို လျစ်လျှူရှုခြင်း)

“ရှေး​ဖြစ်​ဖူး​သော​အ​မှု​အ​ရာ​တို့​ကို မေ့​လျော့​တတ်၏။ နောက်​ဖြစ်​လ​တ္တံ့​သော အ​မှု​အ​ရာ​တို့​ကို​လည်း၊ ထို​အ​မှု​အ​ရာ​နောက်၌ ဖြစ်​လ​တ္တံ့​သော​သူ​တို့​သည် မေ့​လျော့​ကြ​လိမ့်​မည်။”

ဒေသနာကျမ်း။ 1:11 JBMLE

ယခု အခြေအနေတွင် မိမိလက်အောက်ရှိ ခေါင်းဆောင်နှင့် သိုးတော်စုများကို လျစ်လျှူရှုပြီး အသင်းတော် နှင့်သာသနာအတွက် နောင်ဖြစ်လာမည့် စိန်ခေါ်မှုများကို စိတ်ဝင်စားမှုမရှိတော့ပေ။

ထိုသို့ရင်ဆိုင်နေရပါက ဘုရားသခင်ရှေ့တွင် နှိမ့်ချစွာဖြင်​့ ဆုတောင်းကာသာသနာအပေါ် ဆက်ကပ်မှု ပြန်လည် သစ်လွင်စေရန် တောင်းခံရမည်ဖြစ်သည်။ လိုအပ်ပါကသူငယ်ချင်းများ အခြားမိမိလေးစား အားကိုးရသည့် ဆရာသမားများအားရင်ဖွင့်တိုင်ပင် ဆွေးနွေးခြင်းအားဖြင့် သာသနာအပေါ် ပြန်လည်လန်းဆန်းတက်ကြွလာမည်ဖြစ်သည်။

၄။ ဘုရားသခင်နှင့်ရင်းနှီးကျွမ်းဝင်မှု ပြတ်တောက်သွားခြင်း။ Loss of Intimacy with God

“အ​ခြား​တစ်​ပါး​သော ဘု​ရား​နောက်​သို့ မ​လိုက်​ရ​မည်​အ​ကြောင်း ပ​ညတ်​တော်​မူ​သော​ဘု​ရား၊ နှစ်​ကြိမ် ထင်​ရှား​တော်​မူ​သော ဣ​သ​ရေ​လ​အ​မျိုး၏ ဘု​ရား​သ​ခင်​ထာ​ဝ​ရ​ဘု​ရား​ထံ​တော်​မှ၊ ရှော​လ​မုန်​သည် စိတ်​နှ​လုံး​လွှဲ​သွား.........”

ဓမ္မရာဇဝင် တတိယစောင်။ 11:9-10 JBMLE

ဘုရားသခင် နှင့်ရင်းနှီးကျွမ်းဝင်ခြင်းကို ပြတ်တောက်စေမည့် အနှောက်အယှက် များကို အခွင့်အရေးမပေးသင့်ပေ။ ဘုရားသခင်သည် ကျွန်ုပ်တို့လမ်းမှားသည့်အခါ နည်းလမ်းမျိုးစုံဖြင့် နောင်တရရန်စကားပြောလေ့ရှိသည်။ ထို့ကြောင့်ဘုရားသခင်နှင့်မိတ်သဟာရပြုခြင်း မရှိတော့ခြင်းသည် ကျဆုံးခြင်း​၏အစမူလအမြစ်ဖြစ်သည်။

ထိုအခြေခံအကြောင်းတရားများကြောင့် ဓမ္မအမှုတော်ဆောင်ခေါင်းဆောင် များစွာ လောက​၏ အုပ်စိုးမှု၌ နစ်မွန်းပြီး ကောင်းမွန်စွာပန်းမဝင်နိုင်ခဲ့ကြပေ။

စာရေးသူအနေဖြင့် အမှုတော်ဆောင်တပါးဖြစ်သလို

အမှုတော်ဆောင် ဆရာ လူကြီးလူငယ်များစွာ နှင့် ထိတွေ့ဆက်ဆံခွင့်ရရှိခဲ့သည်။ အထူးသဖြင့် လူငယ်ဓမ္မအမှုတော်ဆောင်များစွာထံမှ ကျွန်တော် ကြားရလေ့ရှိသောအကြောင်းအရာများမှာ ကျွန်တော်ကတနေ့ကမ္ဘာပါတ်ပြီးတရားဟောမှာ၊ မြန်မာပြည်မှာ၊ အာရှမှာ အကြီးဆုံးအသင်းတော်တည်ထောင်မှာ ၊ ဘိသိက်ပြည့်တဲ့ Praise and Worship Leader တစ်ယောက်ဖြစ်ဖို့ ဘုရားက ကျွန်တော့ကို/ ကျန်မကို ရူပါရုံပေးထားတယ် စသည့်

လေးစားဂုဏ်ယူဖွယ် ရူပါရုံများကိုကြားသိရသည်မှာ ၎င်းတို့ အတွက် အထူးပင်ဂုဏ်ယူဝမ်းမြောက်မိပါသည်။

ရူပါရုံ ရှိရန်အရေးကြီးပါသည် ထိုနည်းတူပင် ကောင်းမွန်စွာ

ပန်းဝင်ရန် သာ၍အရေးကြီးပေသည်။

အဘယ့်ကြောင့်ဆိုသော် ၃၀% သောဓမ္မအမှုတော်ဆောင်များ သာကောင်းမွန်စွာပန်းဝင်ကြသည်။

The way မှပြုလုပ်ခဲ့သော စစ်တမ်းအရ တစ်လတွင် သင်းအုပ်ဆရာ ၂၅၀ ပါး သာသနာမှ နှုတ်ထွက်ကြသည်။ (အချို့ အခြားလုပ်ငန်းတွင် တနည်းတလမ်းဖြင့် ဘုရားအမှုတော်ဆောင်ရန် ဘုရားခေါ်ခြင်းခံရသူရှိများလည်းရှိသည်)

August 25, 2018 တွင် အသင်းသား ၁၀၀၀၀ ကျော် ရှိသော အမေရိကန်နိုင်ငံ Inland Hill အသင်းတော်​၏သင်းအုပ်ဆရာ Andrew Stoecklein (အသက် ၃၁နှစ်)ကိုယ့်ကိုကိုယ် အဆုံးစီရင်သွားခဲ့တယ်။

စက်တင်ဘာ ၉, ၂၀၁၉ တွင် အသင်းသား ၁၅၀၀၀ ရှိသည့် Harvest Christian Fellowship အသင်းတော် ​၏ Associate Pastor Jarrid Wilson (30 နှစ်) ကိုယ့်ကိုကိုယ် အဆုံးစီရင်သွားခဲ့တယ်။

မေလ ၇ ရက် ၊ ၂၀၂၀ တွင် အမေရိကန်နိုင်ငံ California ပြည်နယ် ၌ အပါတ်စဉ် ဘုရားကျောင်းတက်သူ အသင်းသား ၁၀၀၀၀ တက်ရောက်သည့် Seacoast အသင်းတော်​၏ Teaching Pastor Darrin Patrick (၅၀ နှစ်)ကိုယ့်ကိုကိုယ် သေနတ်နဲ့ပစ်ခတ်အဆုံးစီရင်သွားခဲ့သည်။

လူသန်းပေါင်းများစွာကို ဧဝံဂေလိဝေငှခဲ့သည့် Jim Bakker ပင်လျှင် ပြည့်တန်ဆာ အမှုနဲ့ ထောင်နန်းဆန်ခဲ့ရတယ်။

ထို့ကြောင့် အမှုတော်တွင် ဘာလုပ်မည်ဆိုသည့် ကြီးမားသည့် ရူပါရုံ လိုအပ်သလို မည်သို့နေ့စဉ် သန့်ရှင်းသောဝိညာဉ်တော် ​၏ လမ်းပြမှုကိုခံယူ၍ သမ္မာတရား နှင့်အတူ ဘုရားဝတ်၌အသက်ရှင်ကာ ကောင်းမွန်စွာ အသက်ရှင်ပြီး ပန်းဝင်ခြင်းသည် အမွန်မြတ်ဆုံးသောအရာဖြစ်သည်။

ထိုသို့ အမှုတော်၌ ကောင်းမွန်စွာ ပြီးစီးနိုင်ရန် ရိုးသားဖြောင့်မတ်ခြင်း၊ ပေးအပ်သောအမှုတော် ၌ တာဝန်ယူမှုတာဝန်ခံမှုရှိခြင်း၊ ဘုရားတရား၌မွေ့လျှော်သောအပေါင်းအသင်း နှင့်ပေါင်းသင်းခြင်း နှင့် သခင်တည်းဟူသော ခရစ်တော်​၏ ခေါ်ခြင်းတရား ၌ အာရုံစူးစိုက်မှုရှိရန်လိုအပ်သည်။

ထိုသို့ လုပ်ဆောင်ပါက ရှင်ပေါလုကဲ့သို့ အစကောင်းပြီး အဆုံးသတ်ကောင်းမွန်သော ဘုရားသခင်​၏ သာဓု သစ္စာရှိသော အစေခံ ငယ်သားကောင်း ဖြစ်လာမည် ဖြစ်သည်။

“ကောင်း​စွာ​သော တိုက်​လှန်​ခြင်း​ကို ငါ​ပြု​ပြီ။ ပြေး​ရ​သော​လမ်း​ကို အ​ဆုံး​တိုင်​အောင်​ပြေး​ပြီ။ ယုံ​ကြည် ခြင်း​တ​ရား​ကို စောင့်​ရှောက်​ပြီ။-”

တိမောသေ ဩဝါဒစာ ဒုတိယစောင်။ 4:7 JBMLE

နိဂုံး

၁၉၆၈ မက်စီကို နိုင်ငံတွင် ပြုလုပ်ခဲ့သည့် အိုလံပစ်မာရသွန်ပြိုင်ပွဲတွင် Stephen Akhwari သည် Tanzania နိုင်ငံကို ကိုယ်စားပြုပြီးပြိုင်ပွဲဝင်ခဲ့သည်။ ပြိုင်ပွဲ​၏ တဝက်တွင် သူဒဏ်ရာအပြင်းအထန် ရရှိခဲ့သည်။ သို့သော်သူ အရှုံးမပေးခဲ့ပဲ။ ဒဏ်ရာရလင့်ကစား တလှမ်းခြင်းကြိုးစားပြီး ဆက်ပြေးခဲ့သည်။ ပြိုင်ပွဲ ချန်ပီယံ ပန်းဝင်အပြီး အောင်ပွဲများခံကာ ပရိတ်သတ်များစွာပင် ကွင်းထဲမှထွက်သွားသည့်တိုင်သူဆက်ပြေးနေခဲ့သည်။ မာရသွန်ပြိုင်ပွဲ​၏ ပထမဆုရသူ ပန်းဝင်အပီး ၁ နာရီကျော်မှ သူပန်းဝင်နိုင်ခဲ့သည်။

ပွဲအပီးတွင် သတင်းထောက်များမှ အဘယ်ကြောင့် ဒဏ်ရာလည်းရ ဆုမရမည်မှာလည်း သေချာသည့် တိုင်ဘာကြောင့်ဆက်ပြေးခဲ့သနည်းဟုမေးခဲ့ရာ Stephen မှ "အမိနိုင်ငံမှ ပန်းဝင် အောင်ပြေးရန်စေလွှတ်ခဲ့ခြင်းကြောင့် ဒဏ်ရာရသည့်ကြားမှ ပန်းဝင်အောင် ပြေးခဲ့ခြင်းဖြစ်သည်" ဟုရိုးရှင်းစွာပြန်လည်ဖြေကြားခဲ့သည်။

ထိုနည်းသူပင် ကျွန်ုပ်တို့သည် အမှုတော်၌ ဘဝဒဏ်ရာ၊ စိတ်ဒဏ်ရာ၊ လုပ်ဖော်ကိုင်ဖက်များ​၏ သစ္စာဖောက်ခြင်း၊ ငွေကြေးခက်ခဲကြုံတွေ့ရခြင်း၊ ကျန်းမာရေးချို့တဲ့ခြင်း၊ စသည့်စသည့် ဒဏ်ရာများရစေကာမူ ပန်းဝင်အောင်ပြေးရမည့်တာဝန်မှာ ကျွန်ုပ်တို့ ​၏ အန္တိမ တာဝန်ဝတ္တရားဖြစ်သည်။

“အ​ရှင်​က​လည်၊ သာ​ဓု၊ သ​စ္စာ​ရှိ​သော ငယ်​သား​ကောင်း၊ သင်​သည် အ​မှု​ငယ်၌ သ​စ္စာ​စောင့်​လေ​ပြီ။ " 25:21 JBMLE

အရောက်စီတိုင်း အမှုတော်၌သစ္စာရှိစွာ လုပ်ဆောင်ပြီး ကောင်းမွန်စွာ ပန်းဝင် အဆုံးသတ်ကြပါစို့။

မေတ္တာဖြင့်

Kham Khai

ကိုးကား

Rev.Dr. Koe SM, International Leadership Institute National Conference, Finishing Well, OCT 3,2020.

Christina Maxouris and Amanda Watts, CNN, Mega Church Pastor who was known for his work in mental health advocacy kill himself. September 11,2019.

Los Angels Times, A Young Pastor Preached about depression, then killed by himself. His widow wants to helps others by talking about it. (Halley Branson-Potts, Dec, 23, 2018)

Bob Smietana, and Alejandra Molina, Religions News Service, Death of Megachurch Pastor Darrin Patrick officially ruled a suicide, July,2, 2020.

Facts and Trends, Three implication of our New Research in Pastors, Mark Dance September 3, 2015.

#The_Shine

(Let My People Know)

Like, Follow and Share