🗞️အပိုင်း(၃)။ ဘာကြောင့် Apocrypha ဟူသည့် ကျမ်းပယ်များကို Protestant များက ထုတ်ပယ်လက်မခံကြ သနည်း။🗞️

အပိုင်း(၃)။

ဘာကြောင့် Apocrypha ဟူသည့် ကျမ်းပယ်များကို Protestant များက ထုတ်ပယ်လက်မခံကြ သနည်း။

 🗞️ Protestant များသည်လည်း ကျမ်းပယ်များကို ဘုရားသခင် မှုတ်သွင်းတော်မူသည့် ကျမ်းများမဟုတ်ကြောင်းအမြဲတစေ ငြင်းဆိုနေခဲ့ကြသည်။ အချို့သော ပရိုတက်စ်စတန့် ခရစ်ယာန်များသည် ကျမ်းပယ်များကို ကျမ်းစာအုပ်တွင် ထည့်သွင်း အသုံးပြုနေသော်လည်း အရေးကြီးသည့်အခြေခံသြဝါဒများကို ထိုကျမ်းပယ်များ ထဲမှ ကောက်နုတ်ကိုးကား ပြောဆိုခြင်းမပြု၊ လူ့ဘဝအသက်တာတွင် အသက်ရှင်စဥ်ချိန် အသက်ရှင်ရမည့်ပုံစံများကို ပုံဥပမာပေး သင် ကြားရန်တွက်သာလျှင် အသုံးပြုကြသည်။  

- ထို့နောက် ကျမ်းပယ်များတွင် ဘုရားသခင်မှုတ်သွင်းတော်မှုသော ကျမ်းများဖြစ်ကြောင်းကို ထောက်ထား ကိုးကားပြရသည့်  

🛑 အနာဂတ္တိဆိုင်သော ဗျာဒိတ်ပြုဟောပြော ချက်များ 

🛑 ကိုယ်တိုင်ကိုယ်ကျ လက်တွေ့မျက်မြင် ကြုံ တွေ့ခံစားရသည့် နိမိတ်လက္ခဏာများ အ ကြောင်း သက်သေခံချက်များလည်း ပါဝင် ခြင်းမရှိ။ ဘုရားသခင်မှုတ်သွင်းထားသည် ဟု ဆိုလျှင် ထိုကဲ့သို့သော ဖော်ပြချက်များ ပါရှိမည်ဖြစ်သည်။  

- ကျမ်းပယ်များတွင် မူရင်းဟေဗြဲကျမ်းဟူ၍ မဖော်ပြနိုင်ပါဘူး။ ဂရိဘာသာဖြင့်သာ ရေးသား ခဲ့သည့်ကျမ်းများသာ ရှိသည်။သမိုင်းမှတ်တမ်း များအရ ဂရိဘာသာ စကားသည် ဘီစီ (၃၃၀) မတိုင်မှီအချိန်ထိ နိုင်ငံတကာဘာသာစကားမဖြစ် ခဲ့သေးပေ။ ဘုရားသခင် မှ လူသားများကိုဖွင့်ပြသည့် ယုံကြည်ချက်ဆိုင်ရာ အကြောင်းများ မပါရှိ‌ပါဘူး။ ဘုရားသခင်၏ သွင်ပြင် လက္ခ ဏာတော်နှင့် ဘုရားသခင်၏ စီမံချက်များကို မတွေ့ရပေ။  

-ကျမ်းပယ်စာအုပ်များသည် သမ္မာကျမ်းစာနှင့်မဆိုင်သော သတင်းစကားများကို အားပါးတရထောက်ခံ နေသောကြောင့် ဖြစ်သည်။ သွန်သင်ချက်သြဝါဒများနှင့် လက်တွေ့လုပ်ဆောင်မှုများသည် သမ္မာကျမ်းစာမှ သင်ကြားသည်အရာများနှင့် လုံးဝ ဆန့်ကျင်နေသောကြောင့်ဖြစ်သည်။  

🔖(က) ကျမ်းပယ်များကို ကျမ်းစာများထဲတွင် ထည့်သွင်းကာ စာအုပ်အဖြစ် ထုတ်လုပ်ခြင်း🔖  

- သံသယဖြစ်စရာများနှင့်ပြည့်နေသော်လည်း ရောမ ကောင်စီသည် A.D (382) တွင် ကျမ်းပယ်များကို သမ္မာကျမ်းဝင်စာအုပ်များအဖြစ် ထုတ်လုပ်ရန်အတည်ပြုခဲ့ကြသည်။ မာတင်လုသာ (Martin Luther) ၏ ကျမ်းပယ်များအပေါ်အမြင်နှင့် ပြုပြင်ပြောင်းလဲရေးအချိိိန်ကာလ (Reformation) တွင် ကျမ်းပယ်များအပေါ် တုံ့ပြန်မှုပေးခဲ့သည်မှာ A.D (1546) the Council of Trent တွင် ကျမ်းပယ်အများစုပါဝင်သည့် လက်တင်ဗားလ်ဂိတ် (Latin Vulgate) ကျမ်းများကို ကျမ်းစာစောင်များအဖြစ် သတ်မှတ်ခဲ့ကြသည်ဟု ဆိုသည်။  

- 1534 ခုနှစ်တွင် မာတင်လုသာဘာသာပြန်ခဲ့သည့်ကျမ်းစာအုပ်တွင် ကျမ်းပယ်များအဖြစ် ပထမဆုံး ထုတ်ဖယ်ခွဲခြားခဲ့ပြီး ဘုရားသခင်မှုတ်သွင်းထားခြင်းမရှိသော နှုတ်ဆိတ်ရာ ကာလတွင် ဖြစ်ပေါ်လာသည့် အပိုင်းဖြစ် ကြောင်း မှတ်ချက်ပြုခဲ့သည်။ မူရင်း ဓမ္မဗေဒဆိုင်ရာ စာအုပ်များမဟုတ်သည့်အပြင် အယူလွဲမှား နေသည့်စာအုပ်များဟုလည်း ဆိုခဲ့သည်။ The Geneva ကျမ်းစာတွင် (1599) ခုနှစ် ဘာသာပြန်သည်လည်း မာတင်လုသာအတိုင်း ဘာသာပြန်ခဲ့သည်။ (1611) ခုနှစ်တွင် ဘာသာပြန်ခဲ့သည့် King James Bible တွင် Apocrypha ကျမ်းပယ်ကို ဘာသာပြန်ထုတ်ဝေခဲ့သော်လည်း (1885) ခုနှစ်တွင် ပြန်လည်ထုတ် ပယ်ခဲ့သည်။ ရိုမန်ကက်သိုလစ်အသင်းတော်များသည် တစ်ခါတစ်ရံ (1+2) Esdras နှင့် Prayer of Manasseh ကျမ်းသုံးစောင်ကို ၄င်းတို့သုံးကျမ်းစာအုပ် နောက်ပိုင်းတွင် ထပ်မံလေ့လာစရာကျမ်းများအဖြစ် ထည့်သွင်း ထုတ်ဝေသည်။ တစ်ခါတစ်ရံတွင်လည်း ထည့်သွင်းအလျှင်းမရှိပဲ ၄င်းတို့သုံးကျမ်းစာအုပ်ကိုသာ ထုတ်ဝေသည်။  

🔖(ခ) ဘယ်သောအခါမှ ကျမ်းစာ ကျမ်းစကားဖြစ်ကြောင်း ရည်ညွှန်းခြင်း မရှိခဲ့ပေ။ 🔖  

- ကျမ်းပယ်စာအုပ်များ အားလုံးသည် ဓမ္မ ဟောင်း နှင့် ဓမ္မသစ်ကြားကာလ နှစ်(၄၀၀) ကာလအချိန် ရေးသားခဲ့သည်။ ၄င်းကျမ်းများသည် သင်ကြားခြင်းနှင့် သမိုင်းဆိုင်ရာတွက် အထောက်အကူ ပြုသော် လည်း သမ္မာ ကျမ်းစာအဖြစ် ဆိုလိုချက်များ လုံးဝမတွေ့ရှိရပေ။ ၄င်းကျမ်းအများစုသည် Septuagint ကျမ်းမှ အဓိကအားဖြင့် ဆင်းသက်လာခြင်းဖြစ်ပြီး ထိုကျမ်းတွင် ပါဝင်နေသော်လည်း ဓမ္မဟောင်းကျမ်းအား ကန့်သတ် ထားခြင်း မရှိပေ။ ထိုကျမ်းများကို သမ္မာကျမ်းစာ စာရင်းတွင် ထည့်လိုက်မည်ဆိုလျှင် မတူညီကွဲပြားမှုများကို သိစေဖို့ရန် လက်ရှိဟေဗြဲဓမ္မပညာရှင်များ၏ လိုအပ်ချက်ဟာကွက်ဖြစ်နေခဲ့မှုကြောင့်သာ ဖြစ်ပေမည်။ ဂျူး များနှင့် ဓမ္မသစ်ခေတ် ရင်း မြစ်များမှ သက်သေခံနေသည်မှာ မာလခိ နှင့် ရှင်မဿဲ ကြားကာလ နှစ် (၄၀၀) ကာလသည် အသံတော်ဆိတ်သုဥ်းရာနှစ်ဖြစ်ပြီး ထိုအချိန် တွင် ဖြစ်‌ပေါ်လာသည့်ကျမ်းစောင်များကိုလည်း ကျမ်းစာ၏ အခွင့်တန်ခိုးအာဏာနှင်ပြည့်ဝသည့် ကျမ်းစောင်များမဟုတ်ဟူ၍ သက်သေတူသည်။  

🔖(ဂ) တိကျရှင်းလင်းသည့် စာရင်းမရှိခြင်း 🔖  

- Apocrypha ကျမ်းများသည် တိတိကျကျ စာရင်းဇယားဖြင့် ပြုစုထားသည်များမရှိပေ။ ထိုကျမ်းပယ်များထဲမှ အချို့သောကျမ်းအများစုကို အသင်းတော်အများအသုံးပြုကြသည်။ အသင်းတော်တစ်ခု တွင် Macabees ကျမ်း စောင်ကို အသုံးပြုနေချိန်တွင် အခြားသောအသင်းတော်သည် Tobit ကျမ်းကို အသုံးပြု နေခဲ့သည်။ ဥပမာအားဖြင့် ကနဦးကျမ်းစာစောင်များ၏ သမ္မာကျမ်းစာလက်ခံထားမှု နံပတ်စဥ်တို့ကို နှိုင်းယှဥ် ဖော်ပြလိုသည်။ 

1) Vaticanus (ရှေးဟောင်း သားရေစာလိပ်အမည်) – Wisdom, Ecclesiasticus, Judith, Tobit, Baruch, and the Letter to Jeremiah 

2) Sinaiaticus – Tobit, Judith, First Maccabees, Fourth Maccabees, Wisdom, and Ecclesiasticus 

3) Alexandrinus – Tobit, Judith, First, Maccabees, Second Maccabees, Third Maccabees, Fourth Maccabees, Wisdom, Ecclesiasticus, and the Psalms of Solomn. 

- တို့ကို အသီးသီးဖော်ပြထားသည်။ ထို့ကြောင့် အချို့က လက်ခံသည်ကို အချို့ လက်မခံသည်များရှိပေရာ ကျမ်းပယ်များကို ကျမ်းတော်ဝင်အဖြစ် သတ်မှတ်၍ မရနိုင်ခြင်း ဖြစ်သည်။  -ဓမ္မဟောင်းကျမ်း (၃၉) ကျမ်းကို ဂျူးကျမ်းစာတွင် ကျမ်းစာအုပ် (၂၄) အုပ်အဖြစ်ပြန်လည် စုပေါင်းဖွဲ့စည်း လိုက်သည်။ ယေရှုခရစ်တော် လောကကမ္ဘာမြေကြီးသို့ ကြွဆင်းမလာမှီတွင် ထိုကျမ်းများကို အားလုံး သဘော တူညီစွာလက်ခံခဲ့ကြသည်။ အားလုံး သ‌ဘောတူညီမှု မရှိလာခဲ့သည့်အချိန်သည် ထိုကျမ်းများသည်‌ ကောင်းမွန် သည့် လက္ခဏာများရှိနေသော် လည်း ကျမ်းစာ၏အခွင့်တန်ခိုး အာဏာပြည့်ဝမှုတည်းဟူသော စံထားရသည့် မျဥ်းတံကို မမှီသောကြောင့် ဖြစ်သည်။ Septuagint တွင် ထပ်မံပေါင်းထည့်ထားသည် (1+2) Esdras နှင့် Prayer of Manasseh ကျမ်းသုံးစောင်သည် ဖယ်ထုတ်ခြင်း ခံလိုက်ရသည်။  ထိုအတွက် ဖြစ်ပေါ်လာသည့် မေးခွန်းတစ်ခုမှာ “ Septuagint တွင် ပေါင်းထည့်ထားသည့်ကျမ်းများသည် ဓမ္မဟောင်းကျမ်း၏ ကျမ်းစာစောင် အပိုင်း များဖြစ်သင့်သည်မဟုတ်ပါလော၊ မည်သည့်အကြောင်းတရားမျာကြောင်း ထိုကျမ်းစောင်အား ဖယ်ထုတ်ရသနည်း” ဟူသောမေးခွန်းပင်ဖြစ်သည်။ ထိုကျမ်းစောင်များအား Latin Vulgate တွင် အများဆုံး တွေ့ရသည်။ KJV ထုတ်ချိန်တွင်မူ ထိုကျမ်းများသည် ကျမ်းပယ်များအဖြစ် သတ်မှတ်ခဲ့သည်။ ရိုမန် ကက်သလစ်အသင်းတော်သည် ထိုကျမ်းသုံးစောင်အား ၄င်းတို့သုံး ကျမ်းတော်ဝင်ကျမ်းစောင်များအဖြစ် သတ်မှတ် ခြင်း မရှိခဲ့ပေ။ ဤအရာသည် ကျမ်းပယ်များ၏ ပြဿနာပင်ဖြစ်ချေတော့သည်။  

🔖(ဃ) Apocrypha in the Septuagint 🔖  

- ဘီစီ သုံးရာစုတွင် Alexandrian ဂျူးဓမ္မပညာရှင်များသည် ဓမ္မဟောင်း ဟေဗြဲကျမ်းကို ဟေလသ (Greek) ဘာသာသို့ ပြန်ဆိုခဲ့ကြပြီး ထိုကျမ်းကို Septuagint ဟုခေါ်သည်။ Septuagint ထဲတွင် စာ‌အုပ်များစွာ ပါဝင်လာခဲ့ပြီး ဘုရားသခင်မှုတ်သွင်းထားသော နှုတ်က ပတ်တော်များမဟုတ်ပဲ ဂျူးလူမျိုးများမှ ရေး သားထားခဲ့ခြင်းဖြစ်ပြီး ဂျူးတို့၏ Talmud စာအုပ်တွင်လည်း ပါဝင်ခဲ့သည်။ Talmud ဆိုသည်မှာ ဟေဗြဲသမ္မာကျမ်းစာကို‌ လေ့လာရန် အထောက် အကူပြု ဂျူးစာအုပ်ဖြစ်ပြီး အမျိုးအစားခွဲထားခြင်းများနှင့် ဟေဗြဲကျမ်းစာကို အနက်ပြန်ထားသည့်စာများ ပါဝင်သည်။ ထိုကျမ်းကို ကျမ်းစောင်အဖြစ် တရားဝင်ပေါင်းထည့်ခဲ့ကြသော်လည်း အချိန်တစ်ခုကြာသောအခါ Non-Hellenistic Jewish ပညာရှင်များက A.D (30) Jamnia ကောင်စီတွင် ထိုကျမ်းများသည် အခွင့်တန်ခိုးအာဏာပြည့်ဝသည့် သမ္မာကျမ်းနှင့် သက်ဆိုင်မှုမရှိသည့်ကျမ်းများဟု သတ်မှတ်ခဲ့ကြသည်။ Talmud စာအုပ်မှာမူ Britannica အရ HIzonim (Extraneous Books - အရေးမပါသောစာအုပ်များအဖြစ်) ကွဲထွက်သွားခဲ့ သည်။  -ပထမရာစု ဘာသာပြန်ဆိုခဲ့သည့် Septuagint တွင် ဤကျမ်းပယ်များ ပါဝင်ခဲ့သည်ဟူသော ရှင်းလင်းတိကျသည့် သက်သေ အထောက်အ ထားများမရှိပေ။ (၄) ရာစု (သို့) (၅) ရာစု ဂရိစာပေများ၌သာ Apocrypha ဆိုသည့် ကျမ်းပယ်များ စတင်ပေါ်ပေါက်လာခြင်း ဖြစ်ပြီး စာအုပ်များ အစီအစဥ်တကျ ဖြစ်တည်နေခြင်း မရှိခဲ့ပေ။  

🔖(င) ရှေးကနဦးအသင်းတော်များ၏ ကျမ်းစာစောင်များ စာရင်းတွင်လည်း ပါဝင်ခဲ့ခြင်းမရှိ။ 🔖  

- ရှေးကနဦးခေတ်အသင်းတော်တွင် ဓမ္မဟောင်းကျမ်းဟူ၍ ယူဆရသည့် ကျမ်းစာစောင်များ အမျိုးမျိုး ပေါ်ပေါက်ခဲ့သည်။ အေဒီလေးရာစု ‌နှောင်းပိုင်းအချိန်ထိ မည်သည့်ကျမ်းပယ် စာ စောင်မှ မရှိခဲ့သေးချေ။ အစောဆုံးကနဦးခေတ် ကျမ်းစာများသည် Sardis ၏ ဘုန်းတော်ကြီးဖြစ်သည် Melito ထံမှရရှိသည်။ အနီးစပ် ဆုံး အေဒီ (၁၇၀) တွင် သူရေးခဲ့သည့်အကြောင်း အရာတစ်ခုမှာ “ကျွန်တော်အရှေ့ပိုင်းဒေသကို ရောက်ရှိခဲ့ချိန် တွင် ဤကျမ်းစောင်များသည် ဟောပြောနှင့်နေပြီးဖြစ်ပြီး ဓမ္မဟောင်းကျမ်းစာအုပ်များကို တိတိကျကျ သင်ယူ ခဲ့ရသည်။ ကျွန်တော်ထိုအရာများကို ချရေးပြီးနောက် သင်တို့ထံသို့ ပို့ဆောင်ပေးခြင်းဖြစ် သည်။"  ထိုစာစောင် စာရင်းမှာ “ ကမ္ဘာဦးကျမ်း မှ ယေရမိအနာဂတ္တိကျမ်းထိ သော်လည်းကောင်း၊ ဒံယေလ၊ယေဇကျေလ၊ ဧဇရကျမ်းနှင့် အခြားသော ပရောက်ဖက်ကျမ်း (၁၂) ကျမ်းတို့ဖြစ် သည်။ ဧသတာကျမ်းမှ လွဲ၍ လက်ရှိချိန်ထိ အသုံးပြုနေသည့် ကျမ်းတော်ဝင်ကျမ်းများ အားလုံးပါဝင်ခဲ့သည်။  Melito စာအုပ်စာရင်းတွင် ပါဝင်လာခဲ့သည့်စာအုပ်များတွင် Wisdom ဟုခေါ်သောကျမ်းတစ်စောင် ပါဝင်ခဲ့ပြီး သုတ္တံကျမ်းကို ရည်ညွှန်းခြင်းဖြစ်သည်။ ရှေးစာရေးသူအများတို့သည် သုတ္တံကျမ်းကို (Proverbs) ဟု ခေါ်သည်ထက် Wisdom ဟုသာ ခေါ်ကြသည်။  

📌သုတ္တံကျမ်းသည် ကျမ်းပယ်တွင်ပါသည့် ပညာပါရမီကျမ်း (Wisdom) နှင့် မသက်ဆိုင်ပေ။ 📌 

ဧဇရသည်လည်း ဧဇရ မှ နေဟမိ ကျမ်းကို ဆိုခြင်းဖြစ်သည်။ ဤကဲ့သို့ ဓမ္မဟောင်းကျမ်းတော်ဝင် ကျမ်းစာစောင်များအားလုံးကို ဖော်ပြထားသော်လည်း Apocrypha ကျမ်းများပါဝင်ခဲ့ ခြင်း မရှိပေ။  

🔖(စ) ဂျူးလူမျိုးများမှလည်း ကျမ်းစောင်များအဖြစ် သတ်မှတ်ထားခြင်း မရှိခဲ့ပေ။ 🔖  

- ဂျူးလူမျိုးမျာသည် ကျမ်းပယ်များကို လက်မခံသည့်အပြင် သူတို့သည် ဘုရားသခင်မှုတ်သွင်းသည့် ကျမ်းစာစောင်များမဟုတ်ကြောင်း တွင် တွင်ကျယ်ကျယ် ငြင်းဆိုကြသည်။  ဂျူးတို့ဆိုလေ့ရှိသည်မှာ - ယေရှု ခရစ်တော်အချိန်ကာလတွင် ဂျူးလူမျိုးစာရေးဆရာ Flavius Josephus ရှိခဲ့ပြီး သူ၏သက်သေခံဖော်ပြရေးသား ခဲ့သည့် စာအုပ် (၂၂) အုပ်သာလျှင် ဘုရားသခင်မှုတ်သွင်းသည့် စာအုပ်များဖြစ်သည်ဟု ခံယူထားသည်ဟူ၍ ဖြစ် သည်။ ထို ဂျူးတို့သည် စာစောင် (၂၂) အုပ်သည် ပရိုတက်စ်စတန့်များ ကိုင်စွဲသည့် ဓမ္မဟောင်း (၃၉) ကျမ်း နှင့် အတူတူပင်တည်း။ A.D (100) တွင် ရေးသားခဲ့သည့် ဧဇရဒုတိယစောင်ကို တွေ့ရှိခဲ့သော်လည်း ဤကျမ်း သည် မည်သည့်အခါမျှ မူရင်းဟေဗြဲကျမ်းတော်ဝင်ပါဝင် ကျမ်းမဖြစ်ခဲ့ပေ။  

🔖(ဆ) အသင်းတော်ဖခင်အများစုသည်လည်း ကျမ်းပယ်များကို လက်ခံခဲ့ခြင်း မရှိ။ 🔖  

- Athanasius, Origen, Jerome ကဲ့သို့ အနည်းစုသော ကနဦးအသင်းတော်ဖခင်တို့သည် အချို့သော ကျမ်းပယ်များကို လက်မခံခဲ့ကြပေ။ ။ 

👉Athanasius သည် အေဒီ ၃၆၇ အချိန်တွင် အောက်သိုဒေါ့စ် ယုံကြည်မှုကို ခုခံကာကွယ်သူကြီး( great defender) တစ်ယောက်ဖြစ်ခဲ့သည်။ 

👉Justin, Tertullian, Clement of Alexandria တို့သည်လည်း ယခုလက်ရှိကျမ်းပယ်များဟု သတ်မှတ်ထားသည့် ကျမ်းစာစောင်တွင်မပါရှိသော စာအုပ်များ ဖြစ်သည့် ဧနောက်ကျမ်းနှင့် First Esdras ကျမ်းတို့မှ မကြာခဏဆိုသလိုပင် ကိုးကားမှုများပြုခဲ့ကြသည့် အမှုကား ရှိခဲ့ပေသည်။ 

👉Clement of Alexandria သည် Second Esdras ကျမ်းကို လက်ခံခဲ့သည်။ 

👉Origen သည် မက္ကဘေဦးကျမ်း (၁+၂) နှင့် ယေရမိကျမ်းသည် သန့်ရှင်းသော သမ္မာကျမ်းစာ၏ အစိတ်အပိုင်းဖြစ်မည်ဟု ယုံကြည်ခဲ့သည်။ 

👉Irenaeus သည် ပညာပါရမီကျမ်းအား ဘုရားသခင်မှုတ်သွင်းထားသည့်ကျမ်းကဲ့သို့ ကိုးကားဟောပြောမှုများ ပြုလုပ်ခဲ့သည်။ 

👉Jerome သည်ဟေဗြဲကျွမ်းကျင်ပညာရှင် တစ်ဦးဖြစ်ပြီး ကျမ်းပယ် များ လက်ခံခြင်းအလျှင်း မရှိခဲ့ပေ။ RC ကျမ်းစာအုပ်တွင် ကျမ်းပယ်များနှင့်အတူ တရားဝင် ထွက်ပေါ်လာသည့် ကျမ်းစာအုပ်မှာမူ Jerome ကွယ်လွန်ပြီး နောက်ပိုင်းမှသာ ဖြစ်သည်။  

📌သိမှတ်စေလိုသည့်အချက်မှာ ထင်ပေါ်ကျော်ကြားခဲ့သည့် အသင်းတော် ဖခင်များ သည်လည်း ကျမ်းပယ်များသည် ကျမ်းတော် ဝင်အဖြစ် မသတ်မှတ်နိုင်ကြောင်းကိုတစ်‌ ယောက်နှင့် တစ်ယောက်အကြားရှိ လက်ခံယုံကြည်မှု ခံယူချက်ကွဲပြားနေသည်ကို ထောက်ရှုခြင်းအားဖြင့် သိနိုင်သည်။📌  

🔖(ဇ) Jerome ၏ Apocrypha အပေါ်သုံးသပ်ယူဆချက် 🔖  

- A.D (၄) ရာစု နှောင်းပိုင်းတွင် St. Jerome သည် ဂရိဘာသာ Septuagint မှ လက်တင်(Latin Vulgate in 405 ဖြစ်လာသည့်ကျမ်း) ဘာသာသို့ ဘာသာ ပြန်ရန် တာဝန်ပေးအပ်ခြင်းခံခဲ့ရသည်။ သူသည် ဂရိဘာသာမှ ဘာသာပြန်ရမည်ဖြစ်သော်လည်း မူရင်းဟေဗြဲကျမ်းကို အခြေခံထား၍သာ ဘာသာပြန်ဆိုမှု ပြုလုပ်ခဲ့သည်။ မူရင်း ဟေဗြဲကျမ်းစာကို အမှီအငြမ်းပြုကာ ဂရိဘာသာမှ လက်တင်ဘာသာပြန်ရင်းစဥ်တွင် ခွန်အားမရသည့် အပြင် ထိုခေတ်ကာလ လက် တွေ့လုပ် ဆောင်နေမှုများနှင့်လည်း အလွန် အမင်းဆန့်ကျင်နေ‌ကြောင်းကို Jerome တွေ့ရှိခဲ့လေသည်။ ထို့ကြောင့် ဘာသာပြန်ချိန်တွင် St. Jerome သည် ထိုကျမ်းများသည် ဘုရားသခင်မှုတ်သွင်းခဲ့ပါ၏လော ဟု သံသယများ ဖြစ်ပေါ် ခဲ့သည်။  

- Televangelist ဖြစ်သူ Don Stewart ၏ BlueLetterBible.org တွင်ပြောကြားမှုအရ - Jerome သည် ထိုကျမ်းပယ် များကို သမ္မာ ကျမ်းအဖြစ် လက်ခံသတ်မှတ်ဖို့ကို ရှင်းရှင်း လင်းလင်း ငြင်းဆိုခဲ့ပါသည်။ Jerome ပြောသည်မှာ ထို စာစောင်များသည် ကျမ်းများမဟုတ်၊ အသင်းတော်ဆိုင်ရာ စာအုပ်ဟူ၍သာ သတ်မှတ်သည်။ Jerome ၏ ယုံကြည်ခံယူချက်မှာ ထိုစာအုပ်များသည် ယုံကြည်သူများတွက် အထောက်အကူပြုသော စာအုပ်များဖြစ်နိုင်သော်လည်း ဘုရားသခင်မှ မှုတ်သွင်းထားသည့် ကျမ်းစာအုပ်များလုံးဝ မဟုတ်ဟု ရှင်း လင်းစွာထုတ်ဖော်ပြောဆိုခဲ့သည်။ သူသည် Apocrypha ကျမ်းများကို လက်ခံခြင်း မရှိခဲ့ပေ။  

🔖(စျ) Greater Alexandrian Canon တွင်လည်း သက်သေအထောက်အထားမရှိ။ 🔖 

- ယခုလက်ရှိသုံးနေသည့် ဟေဗြဲ ဓမ္မဟောင်းကျမ်းသည် Alexandrian ဂျူးများရေးသားသည့် ကျမ်းများထက် မသာလွန် မမြင့်မြတ် ဟူ၍ ငြင်းခုံပြောဆိုမှုများ ရှိခဲ့သည်။သို့သော် လည်း အီဂျစ် Alexandrian ရှိ ဂျူးများရေးသည့် ကျမ်းများတွင် Israel တွင် နေထိုင်သည့် ဂျူးလူမျိုးများ ရေးသားခဲ့သည့် ကျမ်းများထက် ပိုမို တိကျမှန်ကန်ကြောင်း ရှင်းလင်းကြောင်း ပြောပြနိုင်သည့် သက်သေအထောက် အထားများ မရှိပေ။  Philo of Alexandrian သည် အေဒီ (၁)ရာစုတွင် နေထိုင်ခဲ့သည့်သူဖြစ်ပြီး ဘာသာရပ်အများအပြားရေးသားခဲ့သည်။ ထို ဓမ္မစာရေးဆရာသည်လည်း ဟေဗြဲကျမ်းစာကို ကျမ်းတော်ဝင်အဖြစ်သတ်မှတ်သော်လည်း အီဂျစ် Alexandrian ဂျူးများရေးသားသည့် ကျမ်းများကို ကျမ်း‌တော်ဝင်ဖြစ်ကြောင်း ညွှန်းဆိုထားခဲ့သည်များ မရှိပေ။ ၄င်းက အီဂျစ်တွင် ကျမ်းများတွေ့သကဲ့သို ပါရှားဒေသ (ပါလက်စတိုင်း) တွင်လည်း ကျမ်းစောင်များတွေ့ခဲ့ ကြောင်းဆိုသည်။  

📌ဆိုလိုရင်းမှာ Alexandrian ဂျူးများသည်လည်း Apocrypha များကို သန့်ရှင်းသော သမ္မာကျမ်းစာအဖြစ် သတ်မှတ်လက်ခံခဲ့ကြောင်း သက်သေအထောက်အထားများမရှိဟု ဆိုလိုခြင်းဖြစ်သည်။📌  ထပ်မံ၍ ဖြည့်စွက်ပြောရလျှင် အီဂျစ်ပြည်တွင် ဂျူးလူမျိုးများမရှိခဲ့ကြောင်းဖြစ်သည်။ ဂရိစကားပြောသည့် ခရစ်ယာန်အချို့မှ Septuagint ကျမ်းတွင် ထပ်မံပေါင်းထည့်ရန် ကျမ်းစာ၏ အခွင့်တန်ခိုးအာဏာ စံနှုန်းကို ပြောခဲ့ခြင်းသာဖြစ်သည်။ ဂျူးများဖို့ရာ အဘယ်မည်သောအခါမျှ Apocrypha များကို ကျမ်းတော်ဝင်ကျမ်း အဖြစ် လက်ခံခြင်း မရှိခဲ့ကြောင်းမှတ်သားရမည်သာ ဖြစ်ချေသည်။  

🔖(ည) အေဒီ (၁၆) ရာစုမတိုင်မှီအထိလည်း ရိုမန်ကက်သိုလစ် အသင်းတော်များသည် ကျမ်း စာစောင်များ ဖြစ်ကြောင်း တရားတွင် လက်ခံထားခဲ့ခြင်းမရှိ။🔖  

🗞️Hippo (393) နှင့် Carthage (397) တွင် ကျင်းပခဲ့သည့် အသင်းတော်ကောင်စီတွင် ကျမ်းပယ်များကို ကျမ်းတော်ဝင်အဖြစ်သတ် မှတ်ခဲ့သည်။ ထိုကောင်စီသည် အသင်းတော်ဖခင်ကြီးများအားလုံးပါဝင် တက်ရောက်ခဲ့ခြင်းမရှိသည့်အပြင် ပါဝင်တက်ရောက်ခဲ့သူများတွင်လည်း ဟေဗြဲဘာသာရပ်နှင့် ဟေဗြဲ ကျမ်း စာတော်မြတ် ကျွမ်းကျင်နှံ့စပ်စွာ သိနားလည်သည့် ဓမ္မပညာရှင်များပါဝင်တက်ရောက်ခြင်း မရှိခဲ့ချေ။ ထို ကောင်စီတွင် ပါဝင်တက်ရောက် သူအားလုံးသည် Saint Augustine ၏ လွှမ်းမိုးမှုခံထားရသူများမှ Apocrypha ကျမ်းပယ်များကို ကျမ်းတော်ဝင်အဖြစ်သတ်မှတ်ခဲ့ကြခြင်းဖြစ်သည်။ Council of Trend တွင် ပါဝင်ခဲ့သည်သူများတွင်လည်း ဂရိဓမ္မပညာရှင်များ အနည်းငယ်သာပါဝင်ခဲ့ပြီး ဟေဗြဲ ဓမ္မပညာရှင်များ ပါဝင်ခဲ့ခြင်း မရှိပေ။  

🔖(ဋ) များစွာသော ကက်သိုလစ် ဓမ္မပညာရှင်များမှာ ပြုပြောင်းလဲရေးအချိန်ကာလတွင် ကျမ်းပယ်များကို ကျမ်းတော်ဝင်များဖြစ်သည်ဟု လက်မခံ ငြင်းပယ်ခဲ့ကြသည်။ 🔖  

- များစွာသော ကက်သိုလစ်ခရစ်ယာန် ဓမ္မပညာရှင်များသည် အသင်းတော်ပြုပြင်ပြောင်းလဲရေး ကာလတွင် ကျမ်းပယ်များကို သမ္မာကျမ်းစာအဖြစ်မှ လက်မခံကြ‌တော့ချေ။ ပြုပြင်ပြောင်းလဲရေး ကာလမတိုင်မှီ ရောမကက်သိုလစ်အသင်းတော်များမှ ကျမ်းပယ်များနှင့် အခြားသောသမ္မာကျမ်းစာရှိ ကျမ်းစာအုပ်များ အကြားရှိ ထင်ရှားပေါ်လွင်သည့်အချက်များကို ထောက်ပြခြင်းအမှုများ ပြုခဲ့သော်လည်း ငြင်းပယ်ခဲ့ကြသည်။  

ဥပမာအားဖြင့်ဆိုရလျှင်  

👉Cardinal Cajetan ဖြစ်သည်။ ထို ကာဒီနယ်သည်မာတင်လုသာအား Augsburg တွင် ဆန့်ကျင်ခဲ့သည်။ (၁၅၁၈) တွင် “အခွင့်တန်ခိုးအာဏာပြည့်ဝသည့် အလုံးစုံသော သမိုင်းဆိုင်ရာစာအုပ်များ အနက်ဖွင့်ကျမ်း” ဟူသည့် စာအုပ်ကို ထုတ်ဝေခဲ့သော်လည်း Apocrypha ကျမ်းများ ပါဝင်ခြင်း မရှိခဲ့ပေ။  

👉Clement of Ximenes သည်လည်း (Hebrew, Targum of Onkelos on the Pentateuch, the Septuagint, the Vulgate and the Greek New Testament) တို့ဖြင့် ထည့်သွင်းရေးသားဖော်ပြထားသည့် “ The Complutensian Polyglot (1514 – 1517)” ဟုခေါ်သည့် စာအုပ်တွင် Apocrypha နှင့် OT ကြားရှိ ထင်ရှားပေါ်လွင့်အချက်များကို ရေးသားဖော်ပြခဲ့သည်။ ကက်သိုလစ် ဓမ္မပညာရှင်များအကြားတွင်လည်း ဤကျမ်းပယ်များနှင့် ဆက်လျဥ်း၍ မတူညီသဘောထားအမြင်များဖြင့်ကွဲပြားနေလျက်ရှိနေခဲ့သော ကြောင့် အသင်းတော်ပြုပြင်ပြောင်းလဲရေးကာလမတိုင်မှီအထိ ကျမ်းတော်ဝင်အဖြစ် သတ်မှတ်ထားခဲ့ခြင်း မရှိပေ။  

🔖(ဌ) သမိုင်းဆိုင်ရာမှားယွင်းမှုများ 🔖  

- Tobit ၏ သက်တမ်းသည် သူကွယ်လွန်သော အခါ ဝိရောဓိတစ်ခု ဖြစ်ခဲ့သည်။ Jeroboam သည် B.C (၉၃၁)တွင် သူ၏ ပုန်ကန်မှုပြုအချိန်တွင် တိုဘိအသက်ရှင်ခဲ့သည်ဟု ခန့်မှန်းယူဆခဲ့ရသည်။ (တိုဘိ ၁း၃-၅) တွင် ဖော်ပြချက်အကြောင်းအရာများမှ ပြောသည်မှာ ဘီစီ (၇၂၁) တွင် မြောက်ဣသရေလလူမျိုးတို့ကို အာရှုရိလူများမှ တိုက်ခိုက်သိမ်းပိုက်သည့်အချိန်တွင် တိုဘိသည် အသက်ရှင် ခဲ့ဟု ပြောနေခြင်းဖြစ်သည်။ သို့သော်လည်း တိုဘိကျမ်းမှာ ပြောသည်မှာ တိုဘိသည် အသက် (၁၁၂) ထိ အသက်ရှင်နေထိုင်ခဲ့သည်ဟူ၍ ဖြစ်သည်။ (တိုဘိ ၁၄း၁၂) ဤအရာသည် လူသိများသည့် ဝိရောဓိ ဖြစ်စရာ ကျမ်းပိုဒ်ဖြစ်ပြီး ကျမ်းတော်ဝင် သမ္မာကျမ်းစာအဖြစ် လက်မခံနိုင်ခြင်းအကြောင်း တစ်ခုလည်း ဖြစ်သည်။  

- ဂျုဒစ်ကျမ်း၏ မှားယွင်းနေသောအရာ - နေဗုခဒ်နေဇာ မင်းကြီးသည် ဗာဗုလုန်နိုင်ငံကို အစိုး ရ‌သောမင်းကြီး ဖြစ်ခဲ့ပြီး အာရှုရိနိုင်ငံကို အစိုး ရခဲ့မင်းပြုခဲ့သောသူ မဟုတ်သည့်အပြင် နိနဝေမြို့ကိုလည်း အုပ်ချုပ်သူမဟုတ်။ ဗာဗုလုန်ကို အုပ်ချုပ်သူ ဖြစ်သည်။ သို့သော် (ဂျူဒစ် ၁:၁) တွင် နေဗုခ်နေဇာမင်းကြီးသည် အာရှိုရိနိုင်ငံကို အုပ်ချုပ်ပြီး နိနဝေမြို့ကြီးကို အုပ်စိုးခဲ့သူဖြစ် ကြောင်းကို ဖော်ပြထားသည့်အချက်မှာ ဂျုဒစ်ကျမ်း၏ မှားယွင်းနေမှုပင် ဖြစ်သတည်း။  

- ကျမ်းပယ်များ၏ သမိုင်းဆိုင်ရာမှားယွင်းနေမှုကို ခုခံချေကာကွယ်ခြင်းပြုလုပ်ဖို့ရန် မဖြစ်နိုင်ပေ။  

- အကြောင်းမှာ ကျမ်းစာပညာရှင်များမှ ရှေး ဟောင်းသမိုင်းရှာဖွေလေ့လာသူပညာရှင်များ၏ အသစ် အသစ်သော တွေ့ရှိဖော်ပြမှုကိုကို ထောက်ရှုကာ ကျမ်းတော်ဝင်သမ္မာကျမ်းစာတော်မြတ်၏ တိကျမှန်ကန်မှုကို ထုတ်ဖော် နေသော်လည်း ကျမ်းပယ်များမှ အမှန်ထက် မှားယွင်းနေမှုများသာ တွေ့ရပြီး ညှိနှိုင်း၍ပင် မဖြစ်နိုင်‌လေချေတော့သည်။  

🔖(ဍ) သြဝါဒပိုင်းဆိုင်ရာ အခက်အခဲများ🔖  

- ဤစာအုပ်များတွင် သမိုင်းဆိုင်ရာမှားယွင်းမှုများစွာ ပါဝင်ပြီး အခြားသော လက်ခံထားပြီးသည့် ကျမ်းစာများကို တုံ့ပြန်ချေပရန် သြဝါဒများကို သင်ကြားသည်။ သမ္မာကျမ်းစာ၏ သာ၍အားကြီးသော ကိုယ်ထည်ပိုင်းသည် ဤခေါင်းစဥ်ရပ်များအပေါ်တွင် အလွန် ရှင်းလင်းတိကျမှုရှိပြီး ထိုကျမ်းစာစောင်များ သည်ဘုရားသခင်၏မှုတ်သွင်းခြင်း မခံရသည့်ကျမ်းများဟု ထပ်၍ ချေပပြောဆိုနိုင်သည်။ ပြုပြင်ပြောင်းလဲရေး ကာလမတိုင်မှီတွင် ကက်သိုလစ် အသင်းတော် များဖို့ရာ ငရဲလေး နှင့် အကျင့်အားဖြင့် ကယ်တင်ခြင်းရသည် ဟူသော သြဝါဒအထူးအ‌ရေးပါသည့် သြဝါဒများဖြစ်ခဲ့သည်။ Protestant ပြုပြင်ပြောင်းလဲရေးသမားများ သည် ထိုကျမ်းပယ်ကို ငြင်းပယ်နေချိန်တွင် ကက်သိုလစ် အသင်းတော်များသည် နှစ်ခါနာဖြစ်ခဲ့ရသည်။ ဆိုးရွားသည့် သြဝါဒများကို နိုင်ငံရေးအာဏာကြောင့် ကြာရှည်တည်တံ့နေစေသော်ငြား စိတ်ချမှု မရှိပေ။  

🛑 ကယ်တင်ခြင်းကို အကျင့်အားဖြင့် လုပ်ဆောင်မှုဖြင့်ရသည်ဟု သင်ကြားခြင်း။ ကျမ်းပယ်များတွင် ဖော်ပြထားသည့်ကျမ်းပိုဒ်များအချို့ကို ဖော်ပြရလျှင် -  

📖(တိုဘိ ၁၂း၉) - ရွှေငွေများစုဆောင်းထားခြင်းထက် ‌ပေးကမ်းလှူဒါန်းခြင်းသည် သာ၍ကောင်း၏။ ပေးကမ်းလှူဒါန်းခြင်းသည် လူတစ်ယောက်ကို သေခြင်းမှ ကယ်ဆယ်၍ အပြစ်ဟူသမျှ ဖြေလွှတ်ပေး ၏။ ပေးကမ်းလှူဒါန်းသော သူတို့သည် အသက်၏ပြည့်စုံခြင်းကို ခံစားကြရလိမ့်မည်။ 

📖(တိုဘိ ၁၄း ၁၁) - ထို့ကြောင့် ငါ့သား၊ သမီးများတို့ အလှူဒါနပြုသောကြောင့် မည်သို့ဖြစ်သည်ကို လည်းကောင်း၊ ဒုစရိုက်မကောင်းမှုသည် သေခြင်းကို ဖြစ်ပေါ်စေသည်ကို လည်းကောင်း ကြည့်ကြ ‌လော့။ သို့သော် ယခုငါသည် ခွန်အားနည်းလာပြီဟု ဆို၏။ 

📖(၁ မက္ကဘေဦး ၂း၅၂) - အာဘရာဟမ်သည် စုံစမ်းခြင်းခံရ၍ သစ္စာရှိကြောင်းတွေ့ရသောအခါ သူ၏ သစ္စာရှိမှုကြောင့် ဖြောင့်မတ်‌သောသူဟု ဘုရားသခင်က သတ်မှတ်တော်မူသည်။  

📍သမ္မာကျမ်းစာမှ ပြောသည်မှာ ကယ်တင်ခြင်းသည် အကျင့်အားဖြင့် မဟုတ်ပဲ ယုံကြည်ခြင်းအားဖြင့် ကျေးဇူးတော်ကြောင့်ရသည်ဟု ပြောထားသည်။ (ဧဖက် ၂း၈-၉)📍  

🛑 Purgatory ဟုခေါ်သည့် ငရဲလေးအကြောင်းကို သမ္မာကျမ်းစာတွင် မသွန်သင်ထားသော်လည်း ကျမ်းပယ်များတွင် ပါရှိသည်။ Purgatory သြဝါဒမှာ ကောင်းကင်နှင့်ငရဲကြားတွင်ရှိသောအပြစ်များကို ဆေးကြောပေးသည့်နေရာ တစ်ခုဖြစ်သည်။ (၂ မက္ကဘေဦး ၁၂း၄၁-၄၅)  

📍ကျမ်းစာမှ သွန်သင်သည်မှာ ခန္ဓာကြွေလွင့်ပြီးနောက်တွင် ဘုရားသခင်အထံတော်သို့ ဆောင်ယူ တော်မူခြင်းကို ခံရမည်။ ထိုသို့မဟုတ်ပါက ဘုရားသခင်၏ အဝေးသို့‌ရောက်ရှိသွားမည်သာ ဖြစ်သည်။ ကြားနေ ရာဆိုတာ မရှိပေ။ (ဟေဗြဲ ၉း၂၇)📍  

🛑 ကျမ်းပယ်သင်ကြားမှုတွင် ဘုရားသခင်သည် သေဆုံးသောသူတို့၏ ဆုတောင်းသံကို နားညောင်း တော်မူ၏ ဟု သင်ကြားသည်။ 

📖(ဘာရု အနာဂတ္တိကျမ်း ၃း၄ ) - အလုံးစုံကို တတ်နိုင်တော်မူသော သခင်၊ အစ္စရေးလ် ၏ ဘုရား၊ အစ္စရေးလ်လူမျိုးမှ သေလွန်သူများနှင့် မျက်မှောက်တော်၌ အပြစ်မကောင်းမှု ကျူး လွန်ခဲ့ကြသော သူတို့၏ သားသမီးများ ဆု တောင်းသံကို နားညောင်းတော်မူပါ။ သေလွန်သောသူများအတွက် တောင်းဆုပြုခြင်းများမရှိ။ ကမ္ဘာမြေပေါ်တွင် အသက်ရှင်စဥ်ချိန်၌ သာလျှင် အခြားသောသက်ရှိလူသားများအတွက် ဆုတောင်းပဌနာပြုခြင်း ရှိသည်။  

🛑ကျမ်းပယ်များသည် ခန္ဓာမတည်မှီ ဝိညာဥ်များရှိနေသည် ဟု သင်ကြားသည်။ (ပညာပါရမီကျမ်း ၈း၁၉,၂၀)  သမ္မာကျမ်းစာတွင် ခန္ဓာမရှိမှီ ဝိညာဥ်ရှိသည်ဟု သင်ကြားခြင်းမျိုး မရှိပေ။  

🛑ကျမ်းပယ်သည် ကြိုတင်တည်ရှိပြီးသော အရာများထဲမှ ဖန်ဆင်းသည်ဟု သွန်သင်သည်။ (ပညာပါရမီကျမ်း ၁၁း၁၇)  သမ္မာကျမ်းစာတွင်မူ ဘုရားသခင်သည် ဘာမှမရှိသည့် အရာထဲမှ ဖန်ဆင်းခဲ့သည်ဟု သွန်သင်သည်။ (ဟေဗြဲ ၁၁း၃)  

🛑 ကျမ်းပယ်တွင် ခန္ဓာကိုယ်ကြီးသည် ဝိညာဥ်ကို လေးလံစေသည်ဟု သင်ကြားပေးသည်။ ( ပညာပါရမီကျမ်း ၉း၁၅) ကျမ်းစာတွင် ထိုကဲ့သို့သောသင်ကြားခြင်းမျိုးမရှိ။ ထို့ပြင် ခန္ဓာကိုယ်သည် ညစ်ညူးသောအရာမဟုတ်။ အထက်ပါအကြောင်းအရာ အလုံးစုံတို့သည် သမ္မာကျမ်းစာနှင့် ဆန့်ကျင်နေသော ကျမ်းပယ်များ၏ သင်ကြားမှုများဖြစ်သည်။  

🛑အပြစ်များတွက် အပြစ်ဖြေရန် ပိုက်ဆံပေးခြင်း  

📖ဆီရပ်ခ် ၃း၃၀ - “‌‌ ရေသည် တောက်လောင်နေသောမီးကို ငြိမ်းစေသကဲ့သို့ ပေးကမ်စွန့်ကြဲခြင်း သည် အပြစ်များအတွက် အခွင့်ချမ်းသာရစေ၏။ 

📖တိုဘိ ၄း၁၀ - အကြောင်းမူကား၊ ပေးကမ်းစွန့်ကြဲခြင်းသည် ငါတို့အားသေခြင်းမှ ကယ်တင်၍ ရှေ့တော်မှာ အဖိုးထိုကလှ‌သော ပူဇော်သက္ကာဖြစ်၏။  

🛑ကွယ်လွန်သောသူများအတွက် တောင်းဆုပြုခြင်း (အပြစ်အတွက် ငွေကြေးအသုံးပြုခြင်းအားဖြင့် ဖြေလွှတ်ခြင်း)  

📖 မက်ခ်ခဘီးစ် ဒုတိယစောင် ၁၂း၄၃-၄၅ - “ အပြစ်ဖြေခြင်းပြုလုပ်ရန်အတွက် ယေရုရှင်သို့ ငွေနှစ်ထောင်ကို ထောက်ပံ့ပေးပို့ခြင်းဖြင့် လူသားတစ်ဦးမှ အခြားလူသားတစ်ဦးကို ကယ်တင်နိုင် သည်။ ထိုကဲ့သို့ကောင်းမွန်စွာနှင့် ရိုးသားစွာဖြင့် ပြုလုပ်ဆောင်ရွက်ပေးခြင်းဖြင့် ပြန်လည် ထမြောက်ခြင်းကို ဖြစ်စေမည်။ သေဆုံးသွားသောသူသည် တစ်ဖန်ပြန်လည်ရှင်သန် လာလိမ့်မည် ဟု မျှော်လင့် ခြင်းမရှိသောသူသည် သေလွန်သောသူသည် သူရူးပမာ ဆုတောင်းခြင်းအမှုကို သာမန်ထက် ပို၍ သာလွန်အောင် ပြုလုပ်ရမည်ဟု ဆိုသည်။ သို့သော် ဘုရားသခင် အနီး အပါး တွင် ရှိ‌‌‌ ‌နေသည့် အိပ်ပျော်သွားသည့်သူသည် ထိုကြီးကျယ်ခမ်းနားသည့် ဆုလာဒ်ရရှိရန်ဟူ‌သော အ‌‌‌တွေးသည် သန့်ရှင်းပြီး ဘုရားကြိုက်သည် အ‌‌တွေးဖြစ်သည်။ ထို့ကြောင့် သူသည် သေခြင်း တရားအတွက် အပြစ်ဖြေခြင်း သည် သူတို့အပြစ်များမှ လွတ်မြောက်သွားမည်ဖြစ်သည်။  

🛑 ကောင်းကင်၌ရှိသော သန့်ရှင်းသူများထံ သေလွန်သောသူများအတွက် ဆုတောင်းခံခြင်း။ (မက်ခဘီးစ် ဒုတိယစောင် ၁၅း၁၂-၁၆ )  

🔖(ဏ) ဓမ္မသစ်ကျမ်းစာစောင်တွင် ကိုးကားမှု မပါရှိခြင်း၏ ထူးခြားနေမှု🔖  

- ယေရှုခရစ်‌တော်နှင့် တမန်တော်ကြီး ရှင်ပေါလုတို့သည် ဓမ္မဟောင်းကျမ်းကို အများအပြား ကိုးကားခဲ့ ကြသည်။ ဓမ္မဟောင်းကျမ်းရှိ ကျမ်း စာအုပ်အားလုံးနီးပါးအား ရှင်းပြထားခြင်း (သို့) အချို့သောနေရာများတွင် ကိုးကားထား သည်များ ပါရှိနေသော်လည်း ကျမ်းပယ်ဟုခေါ်ဆိုသတ်မှတ်ထားသည့် ကျမ်းတစ်စောင်မျှပင် ထိုကဲ့သို့ ကိုးကားထားသည်များ မရှိပေ။ ထပ်မံ၍ လုကာ (၁၁)၊ မဿဲ (၂၃း၃၄-၃၆) တွင် ‌ယေရှုခရစ်တော်သည် အာဗေလမှ ဇာခရိအထိ ပရောဖက်များ၏ အသွေးသွန်းမှုကို ရည်ညွှန်းဖော်ပြသည်။ ကမ္ဘာဦးကျမ်းပါ အာဗေလသည် ဓမ္မဟောင်းကျမ်း၏ ပထမဆုံး အသတ်ခံရသည့်သူဖြစ်ခဲ့ပြီး နောက်ဆုံး ပရောဖက် ဇာခရိသည် ၂ရာချုပ်စာအုပ်ထဲတွင် အသတ်ခံခဲ့ရပြီး ဇာခရိကျမ်းစာအုပ်သည်လည်း မူရင်းဂျူးကျမ်းစာအုပ်နှင့် ဟေဗြဲကျမ်း စာအုပ်တွင်လည်း ‌နောက်ဆုံးစာအုပ်ဖြစ်သည်။ အကယ်၍ ယေရှုသည် ထိုကြားကာလပ‌ရောဖက်များကို တရားဝင်အဖြစ်မှတ်ယူခဲ့ပါလျှင် အခြားသောပရောဖက်များ အားလုံးကို ရည်ညွှန်းပြောဆိုချိန်တွင် အဘယ် ကြောင့် မပါဝင်ခဲ့သနည်းဟု မေး ခွန်းထုတ်စရာရှိနေသည်။  ယေရှုခရစ်တော်သည် ပထမဦးဆုံးနှင့်နောက် ဆုံးသောသတင်းစကား ပြောကြားသူနှစ်ယောက်ဖြစ်သည့် သူတစ်ပါး၏အသေသတ်ခြင်းကို ခံလိုက်ရသည့် အာဗေလနှင့် ဇာခရိတို့ အကြောင်းကို ရှင်းပြခြင်းဖြစ်သည်။ ကျမ်းပယ် များတွင် ဘုရားသခင်၏သတင်းစကားတော်ကို ပြောကြားသည့် အခြားသူများ၏ အသေသတ်ခြင်းခံခဲ့ရသည့် အကြောင်းများကို ဖော်ပြထားသော်လည်း ယေရှုခရစ်တော်မှ ထည့်သွင်း ပြောကြားခြင်း မရှိခဲ့ပေ။  ယေရှုခရစ်တော် ပြောခဲ့သည့်စကားများထဲမှ ကျမ်းပယ်များကို သမ္မာကျမ်းစာအဖြစ် သတ် မှတ် ကြောင်းမပြသည့်ကျမ်းတစ်ခုမှာ ယေရှုခရစ်တော်ရှင်ပြန်ထမြောက်ပြီးနောက်တွင် တပည့်တော် အချို့အား ဆုံးမသွန်သင်စကားဆိုခဲ့သည့် (ရှင်လုကာ ၂၄) တွင်ပါရှိသည့်အကြောင်း အရာများပင်ဖြစ်သတည်း။ (လု ၂၄း၂၅-၂၇) တွင် ယေရှုသည် ပရောဖက်များဟောပြောသောစကားဟု ရေးထားသော် လည်း (GNT,ISV) version မှလွဲ ၍ အခြားသော English Version အားလုံးတွင် “all that the prophets have spoken” ဟူ၍ ရေးသားဖော်ပြ ထားသည်။ ဆိုလိုသည်မှာ “အလုံးစုံ‌သော ပရောဖက်” ဟူ၍ ဓမ္မဟောင်းကျမ်းတွင်ပါရှိခဲ့သော ပရောဖက်များ အားလုံကို ဆိုလိုခြင်းဖြစ်သည်။ (လုကာ ၂၄း၄၄) တွင် ယေရှုခရစ် တော်သည် ဓမ္မဟောင်းဟေဗြဲကျမ်းစာ၏ အဓိက အပိုင်း (၃) ပိုင်းလုံးကို ဖော်ပြခြင်းဖြစ်သည်။ ထို အပိုင်းသုံးပိုင်းသည် ဟေဗြဲပရောဖက်အားလုံး၏ ပြောစကားများကို ဖွဲ့စည်းရေးသားထားခြင်း ဖြစ်သည်။ သို့သော် ကျမ်းပယ်ကို ရည်ညွှန်းပြောဆိုခဲ့သည်များ မရှိ။ ဓမ္မဟောင်းကျမ်းတွင်ဘုရားသခင်၏ နှုတ်က ပတ်တော်အဖြစ်သတ်မှတ်ထားသည့် ကျမ်း စာ‌စောင်အားလုံး နီးပါးသည် လည်း ကျမ်းပယ်များကို ကိုးကားထားသည် ကို မတွေ့ရပေ။ ကျမ်းပယ်များသည် မည်သည့်အခါမျှ ယေရှု ခရစ်တော်နှင့် တမန်တော်များ၏ ကျမ်းစာစောင်များ မဖြစ်ခဲ့ပေ။ ခရစ်တော်နှင့် တမန်တော်များသည် Septuagint ကို မကြာခဏကိုးကားပြောဆိုခဲ့သော်လည်း ကျမ်းပယ်များမှ ဘယ်သောအခါမျှ ကိုးကားထားခြင်း မရှိခဲ့ပေ။ ကျမ်းပယ်စာ‌စောင်များသည် အီဂျစ် Alexandria တွင် ဘာသာပြန်ဆိုခဲ့သည့် စာအုပ်များသာဖြစ်ခဲ့ပြီး ထိုနေရာတွင် ကျမ်းတော်ဝင်ကျမ်းစာစောင်များ မရှိခဲ့ပေ။  

- သွယ်ဝိုက်သုံးနှုန်းထားခြင်းများသည်ကျမ်းစာ‌ စောင်နှင့် အတိအကျတူညီသည်မဟုတ်။ ဓမ္မသစ် ကျမ်းရေးသူများမှ ကျမ်းပယ်များမှ သွယ်ဝိုက်သုံးနှုန်းမှုအချို့ရှိခဲ့သော်လည်း တိုက်ရိုက်ကိုးကားခဲ့ခြင်း မဟုတ်ပေ။ ဓမ္မသစ်ကျမ်းရေးသူ တစ်စုံတစ်ဦးမှ ထိုကျမ်းပယ် များကို အခွင့်တန်ခိုးအာဏာပြည့်ဝသည့် ကျမ်းစာစောင်များဟု တစ်အုပ်ကိုမျှပင်ရည်ညွှန်းပြောဆိုမှု မရှိခဲ့ပေ။ ကျမ်းစာစောင်များ အဖြစ်သတ်မှတ်ထားသည့် စာအုပ်များမှ ကိုးကားပြောဆိုရေးသားရာတွင် “ကျမ်းစာလာသည်ကား” ဟု အစပြုရေးသားပြီး ကိုးကားချက်ကို အတည်ပြုသက်သေဖော်ပြသည်။ ကျမ်းပယ်များမှ ဤကဲ့သို့ ကိုးကားမှု လုံးဝ ဥဿုံ မရှိခဲ့ပေ။ နာမည် ဖြင့်ရေးသား ဖော်ပြမှုများလည်း မရှိပေ။  သို့သော် ရိုမန်ကက်သိုလစ်နှင့် ပရိုတက်စ်စတန့် နှစ်ခုလုံးမှ သမ္မာကျမ်းစာအဖြစ် သတ်မှတ်ထားခြင်း မရှိသည့်စာစောင်များမှ တိုက်ရိုက်ကိုးကားမှုအချို့ ဓမ္မသစ်ကျမ်းတွင် ပါရှိသည်။ ရှင်ယုဒသည် ဧနောက်ကျမ်း စာစောင် ကျမ်းပယ်မှ ကိုးကားခဲ့သည့်အပိုဒ်မှာ (ယုဒ ၁း၁၄-၁၅) ဖြစ်သည်။ ရှင်ပေါလုသည်လည်း မောရှေကို ဆန့်ကျင်သောဖာရောဘုရင်၏ မှော်အတတ် ပညာရှင် နှစ်ယောက်၏ နာမည်ကို ကျမ်းပယ်တစ်စောင်မှ ကိုးကားခဲ့သည်။ ထိုသူနှစ် ယောက်၏နာမည်ကို ဓမ္မဟောင်းကျမ်းတွင် ရှင်းပြထားခြင်း မရှိပေ။ (၂တိ ၃း၇) အင်္ဂလိပ်ကျမ်းစာတွင် အခန်းငယ် (၈) ဖြစ်သည်။ ဓမ္မသစ်ကျမ်းစာရေးဆရာများသည် ကျမ်းပယ်ဟုသတ်မှတ် ထားသည့် Apocrypha ကျမ်းများကို ဘုရားသခင်မှုတ်သွင်းထားသည့် ကျမ်းစာစောင်များအဖြစ် သတ်မှတ်ခဲ့လျှင် ဓမ္မသစ် ကျမ်းစာအုပ် (၂၇) အုပ်၏ တစ်နေရာရာတွင် ကိုးကားရေးသား ဖော်ပြထားသည်ကို ကျွန်ုပ်တို့ သေချာပေါက်တွေ့ရှိရမည်ဖြစ်သည်။ သို့‌သော် တိုက်ရိုက်ဖော်ပြရေးသားမှုများ အလျှင်းမတွေ့ရ။ (၃၉) စောင်သော ဓမ္မဟောင်းကျမ်းများထဲမှ အကြိမ်ပေါင်း (၂၅၀) ထိ ကိုးကာရေးသားဖော်ပြထားသည်ကို တွေ့ရသည်။ ထို့ကြောင့် (၃၉) စောင်သော ဓမ္မဟောင်းကျမ်းသည် ဘုရားသခင်မှုတ်သွင်းထားသည့် အခွင့်တန်းခို အာဏာပြည့်ဝသည့် ကျမ်းအဖြစ် သတ်မှတ်ခံရခြင်းဖြစ်ပြီး ဓမ္မသစ် (၂၇) ကျမ်းသည်လည်း ထိုနည်းတူပင်ဖြစ် သည်။  

🔖(တ) ကျမ်းပယ်စာအုပ်များသည် သူတို့၏ စာ‌ရေးသူများ၊ ခရစ်‌တော်နှင့် တမန်‌တော်မဟုတ်သူများ ကိုယ်တိုင်ပင် လျှင် ဘုရား သခင်၏နှုတ်ကပတ်‌တော်အဖြစ် သတ်မှတ်ထားခြင်း မရှိ‌ပေ။🔖 

- နှစ်ကာလများ ‌ပြောင်းလဲလာသည်နှင့်အမျှ ဂရိယဥ်‌ကျေးမှုများသည် ပါလက်စတိုင်း‌ဒေသတွင် အံ့ဝင်ခွင်ကျဖြစ်လာခဲ့ပြီး ဂျူးလူမျိုးတို့သည်လည်း စာအုပ်များစွာ‌‌ေရးသားခဲ့သည်။ ဤစာအုပ်များသည် မည်သည့်အခါမှ တမန်‌‌တော်များ၏ ကျမ်းစာအုပ်အဖြစ်အသိ အမှတ်ပြုခြင်း မရှိခဲ့‌ပေ။ သို့‌သော် ကနဦး အသင်း‌တော်များတွင်မူ ဤအ‌ကြောင်းကိုရေးထားသောစာအုပ်များ၌ အကျိုးရှိ‌သောသင်ခန်းစာများအဖြစ် ‌တွေရှိခဲ့ရသည်။ ကျမ်းစာသင်ကြားပေးသည့်ဆရာ Harry Ironside သည် မတူညီသည့်အရာကို ရှင်းပြခဲ့သည် မှာ“လက်ရှိ ကျွန်ုပ်တို့သုံးစွဲသည့် ကျမ်းစာအုပ်ရှိ ကျမ်းစာစောင်များသည် ဘုရားသခင် ပ‌ရောက်ဖက်စကားများ ရပ်တန့်သွားခြင်း မတိုင်မှီရေးသားထားခဲ့ခြင်းဖြစ်ပြီး အခြားသောကျမ်းများမပါဝင်ပေ။ ကျွန်ုပ်တို့ကိုင်စွဲ အသုံးပြုနေ သည့် ကျမ်းစောင်များသည် တမန်တော်များမှ အသိအမှတ်ပြုခြင်း၊ နှစ်သက်မြတ်နိုးခြင်းနှင့် ဂုဏ်ပြုခြင်းခံထားရ သော ကျမ်းစောင်များဖြစ်ပြီး ယေရှုခရစ်တော်သခင်ဘုရားမှ ဘုရားဇာတိအားဖြင့် ပေးအပ်ကျမ်းဖြစ်ကြောင်း အခိုင် အမာပြောဆိုသည်။ သူသည် ဒံယေလအနာဂတ္တိကျမ်းနှင့် ယောနဝတ္ထုရှိ နိမိတ်လက္ခဏာတို့ကို ရည်ညွှန်းဖော်ပြသည့်စာထဲတွင် ထိုသူတို့၏ဖော်ပြချက်များကို သံသယမရှိကြောင်းကို ဝန်ခံထားပြီး ထိုပရောဖက်တို့ ရေးသားချက် စာများထဲတွင် ထိုပရောဖက်တို့၏ ဖော်ပြချက်များကို ရေးသားထားခဲ့သည်။  

(၂) ရာစု Mecaabean ခေတ်အတွင်းနှင့် နှောင်းပိုင်းခေတ်များတွင် ဟေဗြဲကျမ်းစာများ၊ ဂရိဓမ္မသစ်စာစောင်များနှင့် တပြေးညီ တန်းညှိထားနေခြင်းကို မစဥ်းစား၊ ကနဦးခရစ်ယာန်များ သည် သူတို့စည်းဝေးတွေ့ဆုံပွဲ များတွင် သင်ခန်းစာအဖြစ် ထည့်သွင်းအသုံးပြုခဲ့ပြီး ဂျူးလူမျိုးတို့ အမြဲတစေတန်ဖိုးထားပြီး ဘုရားသခင်မှုတ်သွင်းထားသည်ဟု ပြောဆိုကြွေးကြော်ခြင်းမရှိသည့် လမ်းညွှန်သင်ပြသည့် စာအုပ်များရှိခဲ့သည်။ ဤအပိုင်းသည် John Barnett and Disvoer the Book Ministries (used by permission) တို့‌‌ရေးသားခဲ့သည့် ဆိတ်ငြိမ်ရာကာလ နှစ် (၄၀၀) သင်ခန်းစာများမှ ကောက်နုတ်ထားခြင်း ဖြစ်သည်။  

- နိဂုံးချုပ်

- Apocrypha ကျမ်းပယ်များကို ကျမ်းတော်ဝင် သန့်ရှင်းသော ဘုရားသခင်၏ကျမ်းစာတော်မြတ် အဖြစ်သတ်မှတ်ခြင်း မခံရသည့်၊ မသတ်မှတ်ရသည့် အကြောင်းမှာ  

1) သြဝါဒနှင့် လက်တွေ့တွင် ဝိရောဓိဖြစ်စရာများ ရှိနေခြင်း 

2) ဓမ္မသစ်ကျမ်းစာစောင်တွင် ကိုးကားဖော်ပြမှု လုံးဝမပါရှိခြင်း 

3) ဂျူးလူမျိုးများမှလည်း ကျမ်းတော်ဝင်မဖြစ် လက်မခံငြင်းဆိုခြင်း 

4) Great Alexandrian Canon မှလည်း သက်သေအထောက်အထားမရှိခြင်း။ 

5) ကနဦး ဟေဗြဲဘာသာစကားကျွမ်းကျင်သည့် ဘိုးဘေးခရစ်ယာန်တို့မှ လက်ခံအသုံးပြုခဲ့ခြင်း မရှိခြင်း။ 

6) Augustine သည် ဟေဗြဲဘာသာစကားမဖတ်တတ်ပဲ ဂရိဘာသာစကားကို အနည်းအကျဥ်းမျှသာ တတ်မြောက်ခြင်း။ 

7) ဟေဗြဲကျွမ်းကျင်တတ်မြောက်သည့် Jerome မှလည်း ကျမ်းတော်ဝင်အဖြစ် လက်ခံအသုံးပြုမှု အလျှင်းမရှိခဲ့ခြင်း။ 

 8) ပြုပြ‌င်ပြောင်းလဲ‌ရေးကာလတွင် ကက်သိုလစ် ဓမ္မပညာရှင်များကိုယ်တိုင် ဘုရားသခင် မှုတ်သွင်း တော်မူခြင်းခံရသော ကျမ်းစာတော်မြတ်အဖြစ် အသိအမှတ်ပြုလက်ခံမှု မရှိခဲ့ခြင်း။ 9) သမိုင်းဆိုင်ရာမှားယွင်းနေခြင်း။ 

10) ပရောဖက်ပြု ဗျာဒိတ်ဟောပြောချက်များ မပါရှိခြင်း။ စသည့်အချက်များကြောင့် ဖြစ်သည်။ Protestant များ အသုံးပြုနေသော (၃၉) အုပ်သောကျမ်းသည် ဘုရားသခင်မှုတ်သွင်းတော်မူခြင်း ခံထားရသည့် သန့်ရှင်းသော သမ္မာကျမ်းစာအဖြစ် သတ်မှတ်ထားခြင်းမှာ ယေရှုခရစ်တော်ကိုယ်တိုင် သက်သေခံနေသော ကြောင့်ပင်ဖြစ်သည်။ ဂျူးလူမျိုးများ၊ ယေရှုခရစ်တော်နှင့် တမန်တော်များမှ သန့်ရှင်းသော သမ္မာကျမ်းစာတော် မြတ်အဖြစ် သတ်မှတ်ထားခြင်းမရှိသည့် သာမန်လူတို့ သတ်မှတ်ထားသည့် အခြားသော ကျမ်းစာများကို သတ်မှတ်ထားသည့် ကျမ်းစာစောင်များကို ကျွန်ုပ်တို့လည်း သန့်ရှင်းသော ကျမ်းစာများအဖြစ် သတ်မှတ်ခြင်း ကို မည်သည့်အခါမျှ မပြုလုပ်သင့်ပေ။  

🔖ဓမ္မသစ်ကျမ်းပယ်များ 🔖  

- ယနေ့ခေတ် ရိုမန်ကက်သိုလစ်ခရစ်ယာန်များ၊ အောက်သိုဒေါ့စ်ခရစ်ယာန်များနှင့် ပရိုတက်စတန့်ခရစ်ယာန်များလက်မခံသည့် ကျမ်းစာများသည် ဓမ္မသစ်ကျမ်းပယ်ထဲတွင် ပါဝင်နေလျက် ရှိသည်။ ဓမ္မအမှုတော်ဆောင်များ၏ အတွေ့အကြုံများမှ ဖော်ပြနေသည်မှာ သာမန်ယုံကြည်သူများသည် ဓမ္မသစ်ကျမ်းပယ်များထက် ဓမ္မဟောင်းကျမ်းပယ်များကိုသာ ပိုသိရှိကြကြောင်းဖြစ်သည်။ မှားယွင်းနေသော သတင်းကောင်းများ၊ မှားယွင်းနေသော တမန်တော်တို့၏ လုပ်ဆောင်မှုများ၊ မှားယွင်းသော သြဝါဒစာစောင်များ နှင့် မှားယွင်းသော ဗျာဒိတ်ကျမ်းများ အကြောင်းကို စာစောင်ရေ အများအပြားရေးသားခဲ့ကြသည်။ ၄င်းစာစောင်များတွင် ပါရှိသည့်အကြောင်းအရာအများသည် ကျမ်းဝင်စာစောင်အဖြစ်သတ်မှတ်ထားသည့် ဓမ္မသစ်ကျမ်း (၂၇) ကျမ်း၏ အခွင့်တန်ခိုးအာဏာ ပြည့်ဝမှုထက် အလွန်ပင်နိမ့်ကျလျက်ရှိနေသည်ကို အချိန်တခဏအတွင်းပင် သိမြင်စေသည်။ ဤအံ့သြ မှင်သက်စရာကောင်းသည့် စာစောင်စုတစ်ခုကို အောက်စ်ဖို့ဒ် ပုံနှိပ်ဌာနမှ ညွှန်ကြားရေးမှူး ဖြစ်သည့် အပြင်၊ စာတည်းဖြတ်သူနှင့် ဘာသာပြန်ဆိုသူ တစ်ဦးလည်းဖြစ်သည့် Montague Rhodes James လက်ထက်တွင် ထုတ်ဝေခဲ့သည်။ ထိုဓမ္မသစ်ကျမ်းပယ်အဖြစ် သတ်မှတ်ခဲ့သည့် စာစောင်များပါ အကြောင်းအရာများသည် 

❌စိတ်ကူးယဥ်ဆန်ခြင်း၊ 

❌ကြောင်းကျိုးဆီလျော်မှုမရှိခြင်း၊ ဦးတည်ရာမဲ့နေခြင်း၊ 

❌အရေးအသားပြောင်မြောက်စွာ ရေးသားထားသည့် ရှင်လုကာခရစ်ဝင် (သို့) ရှင်ယောဟန် ခရစ်ဝင်တွင် ပါရှိသည့် ယေရှုခရစ်တော်၏ သင်ကြားခြင်းနှင့် နိမိတ်လက္ခဏာများကို ရောသမမွှေထား ခြင်းတို့သည် ကျမ်းဝင်ဖြစ်သည့် ခရစ်ဝင်ကျမ်းများနှင့် 

❌အရည်အသွေး အဆင့်အတန်း လုံးလုံး လျားလျား ကွာခြားခြင်းတို့ သိသာထင်ရှား လှပေသည်။  “Gospel of Thomas ကျမ်းတွင် ယေရှုဆိုသည့် ကောင်လေးသည် အဝတ်အထည်များကို ဆေးဆိုးပန်းရိုက်လုပ်သည့်အကြောင်းများ ၊ ယေရှုသည် ကလေးငယ်တစ်စုအား ဆိတ်အဖြစ်သို့ ပြောင်းလဲလိုက်သည့်ဆိုသည့် အကြောင်းများကို ဖော်ပြထားသည်။  Pesudo – Matthew ကျမ်းတွင်လည်း ယေရှုကျောင်းတက်သည့် ဒုတိယနေ့တွင် ကျောင်းဆရာမှ ယေရှုအား “Alpha” ဟု လိုက်ဆိုရန်ပြောသည်။ ယေရှုမှ ပြန်ဖြေခဲ့သည်မှာ Beta သည် မည်သို့ဖြစ်လာခဲ့သည်ဆိုသည့်အကြောင်းဖြစ်ကြောင်းနှင့် Alpha ဖြစ်ပေါ်လာပုံကို ယေရှုမှ ရှင်းပြရမည်လောဟု ပြန်ပြောခဲ့သည်။ ထိုအချိန်ဝယ် ကျောင်းဆရာမှ ယေရှုခရစ်တော်ကို တစ်စုံ တစ်ခုနှင့် ပစ်လိုက်သောအခါ ကျောင်းဆရာ သေဆုံးသွားခဲ့သည်။”  ထိုကဲ့သို့သော စိတ်လှုပ်ရှား အံ့သြဖွယ်ရာ အကြောင်းအရာ တစ်စုံတစ်ခုမျှ မပါရှိခြင်းကြောင့် ကနဦးအသင်းတော် များမှ လက်မခံ ငြင်းပယ်ခဲ့ကြသည်။ ဓမ္မသစ်ကျမ်းပယ်များနှင့် ဓမ္မဟောင်းကျမ်းပယ်များကြားရှိ အဓိကကွဲပြားချက် ကြီးတစ်ခုမှာ ဓမ္မဟောင်းကျမ်းပယ်များကို အချို့သော ခရစ်ယာန်များကသာ လက်ခံကြပြီး ဓမ္မသစ်ကျမ်းပယ်များကို ယုံကြည်သက်ဝင်သူအားလုံးမှ လက်မခံကြခြင်းဖြစ်သည်။  ဓမ္မသစ်ကျမ်းပယ်များကို အပိုင်း(၄) ပိုင်းခွဲခြား၍ ပြောနိုင်သည်။ 

1) သတင်းကောင်း ကျမ်းပယ်များ 

2) တမန်တော်များ၏ လုပ်ဆောင်မှု ကျမ်းပယ်များ 

3) သြဝါဒစာစောင် ကျမ်းပယ်များ 

4) ဗျာဒိတ် ကျမ်းပယ်များ ဟူ၍ဖြစ်သည်။  သတင်း‌ကောင်းကျမ်းပယ်များတွင် ယေရှုခရစ်တော်၏ အသက်တာဘဝ နှင့် သာသနာ ပြုခြင်းအကြောင်းများကို သမ္မာကျမ်းစာတွင် ဖော်ပြထားခြင်း မရှိသည့်အကြောင်းအရာများ ကို ထပ်မံဖြည့်စွက်ဖော်ပြရေးသားထားသည့် အကြောင်းများဖြစ်သည်။ ဧဝံဂေလိကျမ်း (၄) ကျမ်းကို ထပ်မံချဲ့ထွင်ရေးသားထားခြင်းဖြစ်သည်။  တမန်တော်များ၏ လုပ်ဆောင်မှုကျမ်းပယ်များတွင်  

📄Acts of Paul, 

📄 the Acts of Peter, 

📄Acts of John,

 📄the Acts of Andrew, 

📄the Acts of Thomas ဟူ၍ စာအုပ်များထွက်ပေါ်လာခဲ့သည်။  ကနဦးအသင်း‌တော်များအကြောင်းကိုလည်း ပါဝင်ရေးသားထား သည်။ သြဝါဒစာစောင် ကျမ်းပယ်များသည် အခြားသော အပိုင်း (၃) ပိုင်းမှ ကျမ်းပယ်များထက် အရေ အတွက်နည်းပါးသည်။ အကြောင်းမှာ “ပြောဟန်ဆိုဟန်နှင့် ရေးသားဟန်များကို ဖွဲ့စည်းရေးသားရန် အခက်ကြုံသောကြောင့်ဖြစ်သည်။ ဗျာဒိတ်ကျမ်းပယ်များသည် တမန်တော်များ ခေတ်အချိန်ကတည်း ကပင် အမြောက်အမြားရေးသားထားခဲ့ကြသည်။ ဓမ္မသစ်ကျမ်းပယ်များသည် ကျမ်တော်ဝင်စာစောင်များကဲ့သို့ ဆင်တူယိုမှားပုံစံများနှင့် ရေးသားထားခဲ့ခြင်းကြောင့် အထက်ဖော်ပြထားပြီးသကဲ့သို့ အပိုင်း(၄) ပိုင်းဖြင့် ခွဲခြားမြင်တွေ့ရခြင်းဖြစ်သည်။ ဓမ္မသစ်ကျမ်းပယ်များကို မည်သည့် အသင်းတော် ဂိုဏ်းခွဲကြီးများမှလည်း လက်ခံထားခြင်း မရှိပေ။   

သမ္မာကျမ်းစာနှင့် သက်ဆိုင်မှုမရှိသည့် အခြားသော စာအုပ်များ 

1) 1926 – Newspaper accounts of the “ Unknown Life of Christ” 

2) 1911 – The Aquarian Gospel of Jesus the Christ  

ကိုးကားစာရင်းများ 

(1) What is the Apocrypha? Are they really scripture? 

(2) Why were the books of the old testament Apocrypha rejected as Holy Scripture by the Protestant? https://www.blueletterbible.org/.../don_stewart_395.cfm 

(3) Got Quesitons – What are the Apocryphal Acts of the Apostles? What are the Apocryphal Gospels? Why are the Apocrypha/ Deuterocanonical books? 

(4) Which Book Belong to the Bible? – Paul M. McKOWEN 

(5) The Apocrypha and Pseudepigraphs – Michael E. Stone 

(6) Bible Hub 

(7) Merriam – Webster Dictionary 

(8) Eng-Mm Dictionary 

(9) Myanmar Catholic Bible 

(10) Myanmar Bible (Judson) 

(11) What is the new testament Apocrypha? – Don Stewart 

(12) The Biblical Canon: Its Origin, 

(13) Transmission, and Authority - Lee Martin McDonald  

မှတ်ချက်။ ။ ယခု ရေးသားဖော်ပြခဲ့သည့် ကျမ်းပယ်များအကြောင်း အပိုင်း (၃) ပိုင်းသည် မည်သည့် အဖွဲ့အစည်း၊ ပုဂ္ဂိုလ်တစ်စုံတစ်ဦး ကိုမျှ တိုက်ခိုက်ဝေဖန်ပုတ်လို၍ ရေးသားဖော်ပြခြင်းမဟုတ်ပဲ"သမိုင်းဆိုတာ မအအောင်" သင်ရတာဟူသော စကားအတိုင်းခရစ်ယာန်တို့သည် ကျမ်းစာတော်မြတ် အတိတ်သမိုင်း တစ်စိတ်တစ်ပိုင်းကို အချိန်များစွာရင်းနှီးကာ စေတနာရှေ့ထား မေတ္တာတရားဖြင့် မြန်မာ့ယုံကြည်သူခရစ်ယာန်ထုကြီးအား အသိတရားဗဟုသုတ တိုးပွားစေဖို့ရန်သာ ရည်ရွယ်ကာ ရေးသားတင်ပြရခြင်းဖြစ်ကြောင်း စာရေးသူ ကျွန်တော် ပိုင်စိုးကိုကိုမှ ‌တင်ပြလိုပါသည်။  စာရှုသူအယောက်စီတိုင်း ဘုရားကောင်းကြီးနှင့် ကြွယ်ဝပြည့်စုံပါစေ။  

- မေတ္တာဖြင့်  

Paing Soe Ko Ko 

(The_Shine Team)